كوللاجدى جاساعان قونىسباي شەجىمباي, «EQ»
اۆتوموبيل, تەمىرجول, سۋ جانە اۆياتسيا كولىگى سالالارىنداعى اعىمداعى جاعداي مەن كۇردەلى ماسەلەلەرگە قاتىستى سىندارلى ديالوگ ءوتتى. بيزنەس وكىلدەرى جەكە ينۆەستيتسيالاردى ەنگىزۋدەگى جانە سالاداعى جاڭا ينفراقۇرىلىمدىق جوبالاردى ىسكە اسىرۋ بارىسىنداعى اكىمشىلىك كەدەرگىلەر تۋرالى مالىمدەدى. ەلىمىزدەگى بيزنەس-احۋالدى جاقسارتۋ ءۇشىن رەتتەۋشى نورمالاردى جەتىلدىرۋ تۋرالى ۇسىنىستار ايتىلدى.
«كونكۋرەنت-ب» جشس باس ديرەكتورى باقىتبەك قادىروۆ تەمىرجول سالاسىنا جەكە ينۆەستيتسيالاردى تارتۋعا قاتىستى ۇسىنىستار ايتتى. اتاپ ايتقاندا, ينفراقۇرىلىمى جوق, بىراق ەكونوميكالىق ءوسۋ ءۇشىن الەۋەتى بار وڭىرلەردە جاڭا جولدار سالۋ جونىندە باستاما كوتەردى. بۇل ينفراقۇرىلىمداعى كەدەرگىلەردى جەڭىلدەتۋگە, ەلىشىلىك اۋماقتىق بايلانىستىڭ دامۋىن قامتاماسىز ەتۋگە مۇمكىندىك بەرەدى.
پرەمەر-مينيستر تەمىرجول قۇرىلىسىنا جەكە ينۆەستيتسيالارعا قاتىستى باستامانى قولداپ, كولىك مينيسترلىگىنە بيىلعى 1 ناۋرىزعا دەيىن ينۆەستيتسيالاردى قايتارۋ تەتىگى بويىنشا ناقتى ۇسىنىستار ەنگىزۋدى تاپسىردى.
حالىقارالىق اۆتوموبيل تاسىمالداۋشىلار وداعىنىڭ پرەزيدەنتى ماقسات ساقتاعانوۆ كولىكتەگى باقىلاۋ تاقىرىبىن كوتەردى. ۇسىنىس رەتىندە اۆتوموبيل كولىگىندە ۆاليۋتالىق باقىلاۋدى ەنگىزۋ يدەياسى ايتىلدى. سونداي-اق ونىڭ پىكىرىنشە, رۇقسات بەرۋ قۇجاتتارىنىڭ تۇپنۇسقالىعىن تەكسەرۋ ءراسىمى بويىنشا زاڭناماعا وزگەرىستەر ەنگىزۋ قاجەت.
كولىك ۆيتسە-ءمينيسترى ماقسات قالياقپاروۆ رۇقسات بەرۋ قۇجاتتارىنىڭ اشىقتىعىن قامتاماسىز ەتۋ ماقساتىندا قولدان جاساۋعا جول بەرمەۋ ءۇشىن QR-كودتاردى ەنگىزۋ جوسپارى تۋرالى باياندادى.
«Victory trans» جشس ديرەكتورى قۋانىشبەك سادىرباەۆ وتاندىق تاسىمالداۋشىلاردى قولداۋ ماقساتىندا قازاقستاندا حالىقارالىق تاسىمالداردا اۆتوموبيل كولىگىنە رۇقسات بەرۋ جۇيەسىن قولدانۋ ەرەجەلەرىنە بىرقاتار وزگەرىس ەنگىزۋ تۋرالى باستاما كوتەردى.
ەلىمىزدىڭ 60 ءىرى جانە 40 شاعىن اۆتوبۋس تاسىمالداۋشىلارىن بىرىكتىرەتىن «قازاقستان اۆتوموبيل كونۆەنتسياسى» قاۋىمداستىعىنىڭ پرەزيدەنتى مارات بەرقاليەۆ ەلىمىزدە اۆتوموبيل كولىگىمەن جولاۋشىلار تاسىمالىن دامىتۋ جونىندەگى 3 جىلعا ارنالعان شارالار كەشەنىن بەكىتۋگە قاتىستى ۇسىنىستارىن ايتتى, وندا تاسىمالداۋشىلاردىڭ شىعىندارىن تولىق سۋبسيديالاۋ, پاركتى جاڭارتۋ جانە باسقا دا ماسەلەلەر كوزدەلگەن.
پرەمەر-مينيستر بۇل ۇسىنىستى قولداپ, كولىك مينيسترلىگىنە ءتيىستى تاپسىرما بەردى.
«سارى-ارقا» حالىقارالىق اۋەجايى» اق باس ديرەكتورى ەرلان وسپانوۆ شاعىن اۆياتسيا ينفراقۇرىلىمى ءۇشىن اۋە حابتارىن دامىتۋ بويىنشا بىرقاتار شارا ۇسىندى. اۋەجايلاردى جۇيەلى دامىتۋ, ولاردىڭ ەكونوميكالىق تۇراقتىلىعىن ارتتىرۋ قاجەتتىگىنە باسا نازار اۋدارىلدى.
پرەمەر-مينيستر باستامالارعا قولداۋ ءبىلدىرىپ, اۋەجايلاردىڭ جۇمىسى ءۇشىن باسەكەگە قابىلەتتى جاعداي جاساۋدىڭ ماڭىزدىلىعىن اتاپ ءوتتى. اتالعان ماسەلەگە قاتىستى ەگجەي-تەگجەيلى پىسىقتاۋ جانە شەشىم قابىلداۋ ءۇشىن قوسىمشا كەزدەسۋلەر وتكىزىلەدى.
كەزدەسۋ قورىتىندىسى بويىنشا ولجاس بەكتەنوۆ كولىك ينفراقۇرىلىمىن دامىتۋ مەملەكەت پەن بيزنەستىڭ بەلسەندى ءوزارا ءىس-قيمىلىن قاجەت ەتەتىنىن باسا ايتتى. مەملەكەتتىك بيۋدجەت سالانىڭ بارلىق قاجەتتىلىگىن وتەي المايدى, سوندىقتان جەكە ينۆەستيتسيالار تارتۋعا باسىمدىق بەرىلەدى.
ۇكىمەتتىڭ «اتامەكەن» ۇكپ-مەن ەل ەكونوميكاسىن ءتيىمدى دامىتۋ ماقساتىندا بيزنەس پەن مەملەكەتتىك ورگانداردىڭ ءوزارا ءىس-قيمىلىن نىعايتۋ جونىندەگى بىرلەسكەن جۇمىسى جالعاسىپ جاتىر.
