فوتو: كاتونقاراعاي اۋدانىنىڭ اكىمدىگى
وبلىستىق باسقارمالاردان جىبەرىلگەن 10 مامان 25 جەلتوقساندا ورەل, ارشاتى, بەرەل, جامبىل, قايىڭدى, قىزىل جۇلدىز, اققاينار, ەڭبەك, شىڭعىستاي, جاڭاۇلگى, قابىرعا اۋىلدارىندا, 26 جەلتوقسان كۇنى كاتونقاراعاي, بەلقاراعاي, ورنەك,توپقايىڭ, بارلىق, كوروبيحا,اقسۋ اۋىلدارىندا بولىپ, تۇرعىندارىمەن كەزدەسۋ وتكىزگەن.
كەزدەسۋ بارىسىندا اۋداندا جۇمىستى 8: 00-دە باستاۋ ۇسىنىسىنىڭ وڭ - تەرىس تۇسى سارالانىپ, تۇرعىندار پىكىرى تىڭدالعان.
داۋىس بەرۋ كەزىندە اۋدان حالقىنىڭ باسىم بولىگى جۇمىس ۋاقىتىن 8: 00-دە باستاۋعا كەلىسكەن.
«2024 جىلدىڭ 30 جەلتوقسانداعى اۋدان اكىمىنىڭ ءنومىرى 49-شى وكىمىمەن 2025 جىلدىڭ 05 قاڭتارىنان باستاپ كاتونقاراعاي اۋدانى اكىمى اپپاراتىنىڭ, اۋىلدىق وكرۋگتەردىڭ, دەربەس بولىمدەردىڭ قىزمەتكەرلەرىنە بەس كۇندىك جۇمىس اپتاسى ورناتىلۋىمەن, جۇمىس ۋاقىتى 08.00.ساعاتتان باستاپ 17.30. ساعاتقا دەيىن, تۇسكى ءۇزىلىس 12.00. ساعاتتان باستاپ 13.30. ساعاتقا دەيىن بەلگىلەندى», دەلىنگەن حابارلامادا.
كاتونقاراعاي اۋدانىنىڭ ىشكى ساياسات, مادەنيەت, تىلدەردى دامىتۋ جانە سپورت ءبولىمىنىڭ باسشىسى گ. جاكسىلىكوۆا وزگەرىس اۋدانداعى جۇمىس ونىمدىلىگىن ارتتىرىپ, تابيعي ورتاعا, جەرگىلىكتى حالىقتىڭ ءومىر سالتىنا جانە ەكونوميكالىق بەلسەندىلىككە ساي كەلەتىن پايدالى شەشىم بولاتىنا سەنىم ءبىلدىردى.
