فوتو: Oqu-agartu ministrligi
وقۋ-اعارتۋ مينيسترلىگىنىڭ ءباسپاسوز قىزمەتىنىڭ مالىمدەۋىنشە, اتالعان شارا – كوللەدجدەرگە ەكونوميكاداعى وزگەرىستەرگە تەز بەيىمدەلۋگە, ەڭبەك نارىعىنىڭ قاجەتتىلىكتەرىنە جەدەل جاۋاپ بەرۋگە جانە ماماندار دايارلاۋ مۇمكىندىكتەرىن كەڭەيتۋگە جاعداي جاسايدى.
«ەندى كوللەدجدەر ليتسەنزيالانعان ماماندىقتار اياسىندا جاڭا بىلىكتىلىكتەردى قوسۋ ءۇشىن بيۋروكراتيالىق راسىمدەردەن الشاقتاپ, تەك ماتەريالدىق-تەحنيكالىق بازاسى مەن كادر قۇرامىنىڭ سايكەستىگىن راستاسا جەتكىلىكتى. سونىمەن قاتار, مودۋلدىك ءبىلىم بەرۋ باعدارلامالارى ستۋدەنتتەرگە ءبىر ماماندىق شەڭبەرىندە بىرنەشە بىلىكتىلىكتى مەڭگەرۋگە مۇمكىندىك بەرەدى», دەدى ءبىلىم سالاسىندا ساپانى قامتاماسىز ەتۋ كوميتەتىنىڭ توراعاسى ەرنۇر داۋەنوۆ.
قازىرگى ۋاقىتتا ۆەدومستۆونىڭ ايماقتىق دەپارتامەنتتەرى كوللەدجدەر اراسىندا ءتۇسىندىرۋ جۇمىستارىن جۇرگىزىپ, رەسمي رەسۋرستاردا اقپاراتتار جاريالاپ, ليتسەنزيالاردى قايتا راسىمدەۋ كەستەسىن ازىرلەدى.
كوللەدجدەر جاڭا ماماندىقتارعا ليتسەنزيا الۋ نەمەسە قولدانىستاعى ليتسەنزيالارىن قايتا رەسىمدەۋ بويىنشا قازىردەن باستاپ ءوتىنىش بەرە الادى.
