فوتو: الماتى قالاسى اكىمدىگىنىڭ ءباسپاسوز قىزمەتى
ەكو-حابتا ستۋدەنتتەر پلاستيكتى قايتا وڭدەپ, ونى ءتۇرلى زاتتارعا (ساعاتتار, جانۋارلار مۇسىندەرى جانە ت.ب.) اينالدىرا الادى. سونىمەن قاتار, ماماندار شەبەرلىك دارىستەرىن وتكىزىپ, گرينۆوشينگ ماسەلەسى تۋرالى اقپارات بەرەدى.
جوبانىڭ نەگىزىن قالاۋشى ەۆگەني مۇحامەدجانوۆتىڭ ايتۋىنشا ەكولوگيالىق مادەنيەتتى قالىپتاستىرۋ تۇرعىسىندا ستۋدەنتتەر قوزعاۋشى كۇش بولا الادى.
الماتى قالاسى اكىمدىگىنىڭ مالىمدەۋىنشە وسىنداي ەكو-حابتاردى ءاربىر وقۋ ورنىندا ىسكە قوسۋ جوسپارلانىپ وتىر. وسىلايشا جوبا قالالىق دەڭگەيگە دەيىن كەڭەيەدى. باعدارلاما سەرىكتەستەرى قاتارىندا العاشقى ۋنيۆەرسيتەتتەردىڭ ءبىرى بولىپ قازبسقا اتالعان, سونداي-اق قالاداعى تاعى بىرنەشە ۋنيۆەرسيتەتتەر ەكو-حاب اشۋعا دايىندالىپ جاتىر. بۇل ءبىلىم بەرۋ مەكەمەلەرىنىڭ ءوز قىزمەتىن «جاسىلداندىرۋعا» دەگەن قىزىعۋشىلىعىنىڭ ارتىپ كەلە جاتقانىن كورسەتەدى.
