استانا. 7 اقپان. الماتىدا جاسى 81-گە قاراعان شاعىندا قازاقستاننىڭ بەلگىلى جازۋشىسى گەرولد بەلگەر جۇرەك ناۋقاسىنان قايتىس بولدى. بۇل تۋرالى Tengrinews.kz تىلشىسىنە پرەزيدەنتتىڭ ءىس باسقارماسىنا قاراستى ورتالىق كلينيكالىق اۋرۋحانادان حابارلادى.
«7 اقپان كۇنى ساعات 14:15-تە بەلگەر قايتىس بولدى», - دەپ حابارلادى اۋرۋحانادان.
بۇدان بۇرىن حابارلانعانداي, گەرولد بەلگەردىڭ ينفاركتتەن كەيىن 21 قاڭتاردا جانساقتاۋ بولىمىنە تۇسكەنى حابارلانعان بولاتىن. ول رەانيماتسيادا وكپەگە اۋا بەرەتىن جاساندى اپپاراتپەن جاتتى. مەديكتەردىڭ ايتۋلارىنشا, بەلگەر دەنساۋلىق جاعدايى ناشارلىعىنا قاراماستان, وتە كوپ جۇمىس جاساعان. دارىگەرلەر وعان جۇرەكتە قوسىمشا جاساندى قان اعاتىن جول جاساۋعا ارنالعان وپەراتسيا جاساۋ كەرەكتىگى تۋرالى بىرنەشە رەت ۇسىنىس ايتقان. بىراق بەلگەر ودان ىلعي باس تارتىپتى. ەمدەۋشىلەردىڭ ايتۋلارىنا قاراعاندا, جازۋشى ءبىرىنشى ينفاركتتى 1978 جىلى العان. سودان كەيىن بۇل جاعداي 5 رەت قايتالانعان. بۇدان باسقا, قالامگەر 1999 جىلى ءينسۋلتتى دە باستان كەشكەن. ول سونداي-اق سۋسامىرمەن دە اۋىرىپ جۇرگەن.
گەرولد بەلگەر 1934 جىلعى 28 قازاندا ساراتوۆ وبلىسىنداعى ەنگەلس قالاسىندا تۋعان. 1941 جىلى ول وتباسىمەن بىرگە نەمىس ۇلتىنىڭ وكىلى رەتىندە قازاقستانعا جەر اۋدارىلعان. ول وسىدان باستاپ سولتۇستىك قازاقستان وبلىسىنداعى قازاق اۋىلىندا ءوستى. وسىندا ول قازاق ءتىلىن جەتىك مەڭگەرىپ شىقتى.
بەلگەر اباي اتىنداعى قازاق مەملەكەتتىك پەداگوگيكالىق ينستيتۋتىنىڭ ادەبيەت فاكۋلتەتىن ءبىتىرىپ, ەڭبەك جولىن جامبىل وبلىسىندا ورتا مەكتەپتە ورىس ءتىلى مەن ادەبيەتىنەن ساباق بەرۋدەن باستادى.
بەلگەر 1971 جىلدان بەرى قازاقستان جازۋشىلار وداعىنىڭ مۇشەسى بولدى. 1992 جىلدان نەمىس تىلىندەگى «فەنيكس» الماناعىنىڭ باس رەداكتورى. 1994-1995 جىلدارى قر جوعارعى كەڭەسىنىڭ دەپۋتاتى. ول نەمىس مادەني قوعامى الماتى قالاسىنداعى بولىمشەسىنىڭ توراعاسى, قازاقستان نەمىستەرى كەڭەسىنىڭ مۇشەسى جانە قر پرەزيدەنتى جانىنداعى مەملەكەتتىك ساياسات جونىندەگى ۇلتتىق كەڭەستىڭ مۇشەسى بولدى.
گەرولد بەلگەر 53 كىتاپتىڭ اۆتورى. ولاردىڭ اراسىندا «سوسنوۆىي دوم نا كرايۋ اۋلا», «چايكي ناد ستەپيۋ», «زا شەستيۋ پەرەۆالامي», «برات سرەدي براتەۆ», «كامەننىي برود», «زاۆترا بۋدەت سولنتسە» جانە باسقالارى تانىمال بولدى. ول قازاق ادەبيەتىنىڭ بەيىمبەت مايلين, عابيت مۇسىرەپوۆ, ءابدىجامىل نۇرپەيىسوۆ سەكىلدى كلاسسيكتەرىنىڭ شىعارمالارىن ورىس تىلىنە اۋداردى.
مۇرات ايتقوجا.
دەرەك, سۋرەت: Tengrinews.kz.
