ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقاەۆ سايلانعان اكىمدەر مەن ءتۇرلى دەڭگەيدەگى باسشىلاردى كەشەندى دايىندىقتان وتكىزۋ ماسەلەسىن ۇكىمەت پەن اگەنتتىككە تاپسىردى.
– اكىمدەردى تىكەلەي سايلاۋ جۇيەسى ەلدەگى ماڭىزدى رەفورمالاردىڭ ءبىرى بولدى. ناتيجەسىندە, مەملەكەتتىك قىزمەتشىلەردىڭ جاڭا ساناتى – سايلاناتىن باسشىلار پايدا بولدى. بۇل – 2,5 مىڭنان اسا باسشى لاۋازىمىنداعى قىزمەتكەر دەگەن ءسوز. ولاردىڭ اراسىندا بۇرىن مەملەكەتتىك قىزمەتتە جۇمىس ىستەمەگەن ازاماتتار, سونىڭ ىشىندە جاستار كوپ. ءبىر سوزبەن ايتقاندا, اكىمدەر كورپۋسى جاڭارتىلدى. 2023 جىلى اۋداندار مەن وبلىستىق ماڭىزى بار قالالاردىڭ اكىمدەرىن پيلوتتىق سايلاۋى ءوتتى. بارلىق وبلىستا 45 اكىم سايلاندى. وسى جىلدان باستاپ رەسپۋبليكاداعى اۋدان اكىمدەرى تىكەلەي سايلاۋ ارقىلى عانا قىزمەتكە كەلەدى. وسىعان وراي بۇگىندە اۋىل اكىمدەرىن قايتا دايارلاۋ باعدارلاماسىنىڭ ىسكە قوسىلۋى ورىندى جانە دەر كەزىندە قابىلدانعان شەشىم دەپ سانايمىن. باعدارلاما اكىمدەردى اۋىل ەكونوميكاسىنىڭ دامۋىنا اسەر ەتەتىن نەگىزگى فاكتورلاردى ايقىنداۋدى ۇيرەتەدى. سونداي-اق اكىمدەر اۋىلدىق ەلدى مەكەندەردى دامىتۋ جولدارىن بەلگىلەۋدى, باسىم باعىتتارى بويىنشا كووپەراتسيالىق جوبالار مەن ەكونوميكالىق دامۋ باعدارلامالارىن ازىرلەۋدى مەڭگەرەدى. سونىمەن قاتار اكىمدەر جەرگىلىكتى ءوزىن-ءوزى باسقارۋ ۇدەرىستەرىنە ازاماتتاردى تارتۋ ادىستەرىن ۇيرەنەدى. وعان جەرگىلىكتى قاۋىمداستىقپەن ءوزارا ءىس-قيمىل جاساۋ جانە بىرلەسكەن جۇمىس ۇيىمداستىرۋ تاسىلدەرى كىرەدى, – دەدى ق.بوزىمباەۆ.
اكىمدەردىڭ كاسىبي بىلىكتىلىگىن ارتتىرۋ جەرگىلىكتى بيۋدجەتتى ءتيىمدى پايدالانۋ, مەملەكەتتىك ساتىپ الۋلار مەن سالىقتار, كوممۋنالدىق مەنشىكتى باسقارۋ, ەكولوگيا مەن قورشاعان ورتانى قورعاۋ, كاسىپكەرلىكتى دامىتۋ جانە مەملەكەتتىك قولداۋ, ايماققا ينۆەستيتسيا تارتۋ, مەملەكەتتىك باسقارۋداعى تسيفرلىق تەحنولوگيالار, جاساندى ينتەللەكت قۇرالدارىن قولدانۋ, قابىلدانعان شەشىمدەردىڭ ساتتىلىگىنە اسەر ەتۋى مۇمكىن تاۋەكەلدەردى باسقارۋ, ءتيىمدى كوممۋنيكاتسيالار جانە وزگە داعدىلاردى دامىتۋدى كوزدەيدى.
ءىس-شاراعا پرەزيدەنت اكىمشىلىگىنىڭ لاۋازىمدى ادامدارى, «Amanat» پارتياسىنىڭ جانە ەلىمىزدىڭ وزگە دە ساياسي پارتيالارىنىڭ وكىلدەرى, پرەزيدەنت جانىنداعى مەملەكەتتىك باسقارۋ اكادەمياسىنىڭ وقىتۋشىلارى, سونداي-اق وڭىرلەردەن اۋدان جانە اۋىل اكىمدەرى ونلاين قاتىستى. جيىن بارىسىندا اگەنتتىك توراعاسى مەملەكەت باسشىسىنىڭ تاپسىرماسىن ساپالى ورىنداۋ ماقساتىندا اكىمدەردى وقىتۋدىڭ تيىمدىلىگىنە ەرەكشە ءمان بەرۋ قاجەتتىگىنە توقتالدى.
– Cاياسي پارتيالار اۋىل اكىمدەرىن سايلاۋ كەزىندە وزدەرى ۇسىناتىن كانديداتتاردىڭ تۇلعالىق جاۋاپكەرشىلىگى مەن كاسىبي دايارلىعىنا نازار اۋدارعانى ءجون. «ادال ازامات» يدەالدارىنا ساي, شىنايى ماقساتتا ەل يگىلىگىنە ءادىل قىزمەت ەتۋدى كوزدەيتىن ادامداردىڭ جۇمىسىنان قاشاندا وڭ ناتيجە كۇتۋگە بولادى, – دەدى د.جازىقباي.
باعدارلاما پراكتيكالىق جاتتىعۋلار, ينتەراكتيۆتى پىكىرتالاستار, ترەنينگتەر, ەكونوميكا, مەملەكەتتىك باسقارۋ, قۇقىقتانۋ سالالارى بويىنشا ساراپشىلارمەن كەزدەسۋ جانە وففلاين, ونلاين فورماتتا 240 اكادەميالىق ساعات وقىتۋدى قامتيدى. وقىتۋدىڭ قورىتىندىسىنا سايكەس اكىمدەر وڭىرلەردى ەكونوميكالىق دامىتۋعا قاتىستى جوبالارىن قورعايدى.
– «Amanat» پارتياسى اتالعان جوبانى ۇكىمەتپەن, مەملەكەتتىك قىزمەت ىستەرى اگەنتتىگىمەن بىرگە, قويان-قولتىق جۇزەگە اسىرادى. جوبا تەك وقۋ باعدارلاماسىنان تۇرمايدى. ياعني باعدارلاما كەلەشەكتە تاجىريبە الماسۋ مەن ۇزدىك ءادىس-تاسىلدەردى ەنگىزۋ الاڭىنا اينالادى, – دەدى «Amanat» پارتياسىنىڭ اتقارۋشى حاتشىسى داۋلەت كارىبەك.
بىلىكتىلىكتى ارتتىرۋ پرەزيدەنت جانىنداعى مەملەكەتتىك باسقارۋ اكادەمياسىنىڭ بازاسىندا, رەسپۋبليكالىق ماڭىزى بار قالالار مەن وبلىستارداعى فيليالدارى ارقىلى جۇزەگە اسىرىلادى.
