قازىر استانا مەن شىمكەنت قالالارىندا بولىمشەلەرىن اشۋعا قىزۋ دايىندىق جۇرگىزىپ جاتىر.
«الماتىنىڭ ورتالىق كوشەلەرىنە ءار بەرىپ تۇرعان لەد-ەكرانداردىڭ مونيتورى مەن ميكرو-سحەماسى عانا قىتايدان جەتكىزىلەدى. باسقا بايلانىس جەلىلەرىمەن ينتەگراتسيالايتىن قۇرال-جابدىقتار, دىبىس-قوزعالتقىش قوندىرعىلارى كومپانياعا قاراستى تسەحتا دايىندالادى. كەز كەلگەن ستاتسيونارلىق كومپيۋتەردىڭ, ەكراننىڭ نەگىزى سانالاتىن جابدىقتى ءوزىمىزدىڭ ماماندار جاساپ شىعاردى. تەحنيكانىڭ بۇل ءتۇرىنىڭ مۇمكىندىكتەرى وتە كۇشتى. ميكروچيپتى سىرتقى بايلانىستارمەن ينتەگراتسيالايدى, جارىقديودتى تاراتاتىن تەتىكتەردىڭ قىزمەتىن ءارتاراپتاندىرادى», دەيدى كاسىپكەر.
قايرات – التاي ايماعىنىڭ تۋماسى: اتامەكەنگە كەلىپ تۋ تىگۋ تۋرالى نيەتى مەكتەپتە جۇرگەندە-اق ويانىپتى.
«2000 جىلداردىڭ ورتاسىندا دەمالىس الىپ, شەكارانىڭ ارعى بەتىندە قالىپ قويعان اتا-اناما باردىم. از ۋاقىت ىشىندە قىتاي ەلىنىڭ بارلىق سالا بويىنشا دامىپ كەتكەنىن كوزبەن كوردىم. الماتىداعى لەد-ەكرانداردىڭ باسىم كوپشىلىگى وزگە كومپانيالاردىڭ يەلىگىندە بولاتىن. اتا-انام, باۋىرلارىمنىڭ قارجىلىق دەمەۋىمەن ەلگە لەد-ەكراندى, وعان قاجەتتى تەحنولوگيانى الىپ كەلىپ, بىزگە مۇلدەم تانىس ەمەس, بىراق كەلەشەگى زور بيزنەس ءتۇرىن باستاپ كەتتىم», دەيدى ق.جاستاربەك ۇلى.
ونىڭ ايتۋىنشا, نارىقتا وزدەرىن قوجايىن رەتىندە سەزىنە باستاعان ءىرى كومپانيالاردىڭ قاس-قاباعىنا قاراماي ەكپىندەپ كىرۋلەرىنە جاستىققا ءتان ماكسيماليزم اسەر ەتسە كەرەك.
«قازىر بانكتەر مەن ۇلكەن كومپانيالاردان تاپسىرىس الامىز. الماتىنىڭ ءال-فارابي داڭعىلى بويىندا ورنالاسقان, كولەمى 650 شارشى مەتر بولاتىن, قالا ارحيتەكتۋراسىنىڭ ەڭ جارقىن وبرازىنىڭ ءبىرى رەتىندە تانىلعان لەد-ەكران – ءبىزدىڭ جوبامىز. بۇل جوبا ەلىمىزدەگى ەڭ ءىرى ەكرانداردىڭ ءبىرى رەتىندە تانىلعان. سونداي-اق «الماتى» ساۋدا ويىن-ساۋىق ورتالىعىنداعى شامشىراق بەينەسىندەگى لەد-ستەللا دا ءبىزدىڭ ءونىمىمىز», دەيدى.
ونىڭ سوزىنشە, «Aray-LED» ونىمدەرىن وتاندىق بيزنەسمەندەر لەد يندۋسترياسىنىڭ جەرگىلىكتى برەندى دەپ تانيدى.
«تەحنولوگيا دامىپ جاتىر. زەرتتەۋلەر كورسەتكەندەي, بەينە جانە انيماتسيا فورماتىندا ۇسىنىلعان اقپارات ستاتيكالىق ماتىنگە نەمەسە سۋرەتكە قاراعاندا 30% جاقسى ەستە ساقتالادى. سوعان ساي بيزنەستىڭ ميى, اعزاسى كۇندىز-ءتۇنى ساعات تىلىندەي سارتىلداپ جۇمىس ىستەپ تۇرۋى كەرەك. كەيدە بولاشاق جوبالارىمنىڭ نۇسقاسىن تۇسىمدە كورەتىن كەزدەرىم بولادى. شوۋ-بيزنەس پەن ەكونوميكالىق بيزنەس اراسىندا ءبىر-بىرىنە ۇقسايتىن تاسىلدەر كوپ. مىسالى, شوۋ-بيزنەس وكىلدەرى حيت بولعان ونىمدەرى نارىقتى جالىقتىرىپ العانىن سەزسە, ورنىنا جاڭا ءونىم ۇسىنا قويادى. بىزدە دە سولاي. نارىقتى جالىقتىرىپ الۋعا, يدەيامىزدىڭ كوش سوڭىندا قالىپ كەتۋىنە جول بەرۋگە بولمايدى. ۇسىنعان ونىمدەرىمىز, روليكتەرىمىز ترەندتەن تۇسە باستاسا, جاڭا جوبانى ۇسىنۋعا تۋرا كەلەدى. ازىرگە سەنىم بىلدىرگەن كومپانيالاردى جالىقتىرىپ العان كەزىمىز جوق», دەيدى ق.جاستاربەك ۇلى.
كومپانيانىڭ ءبىر جىلداعى قارجى اينالىمى – 2 ملرد دوللار. قىزمەتكەرلەرىنىڭ جالاقىسى 500 مىڭ تەڭگەدەن باستالادى.
«قىزمەتكەر قابىلەتىن ءادىل باعالاۋعا تىرىسامىز. كولىك, ءۇي العىسى كەلسە, كومپانيانىڭ قارجىلىق اينالىمى ەسەبىنەن پايىزسىز قارجى بولەمىز. الەۋمەتتىك, مەديتسينالىق ساقتاندىرۋ ماسەلەسى كومپانيا ەسەبىنەن شەشىلگەن», دەيدى.
ونىڭ سوزىنشە, لەد ەكراندى وزىمىزدە جاساۋ وڭاي. ال ميكروسحەما ءوندىرىسى بويىنشا تايۆان ەشبىر ەلدى العا وزدىرعان ەمەس.
«تايۆان تەك ءىرى ەكسپورتتاۋشىلارمەن جۇمىس ىستەگەندىكتەن, ازىرگە ولار ءبىز ءۇشىن جابىق نارىق. ەگەر ورتالىق ازيا ەلدەرى نارىعىنا جول سالساق, تايۆانمەن كەلىسسوز جاساۋعا بولادى», دەيدى ق.جاستاربەك ۇلى.
الماتى
