جۇمابەك تاشەنەۆ اتىنداعى ۋنيۆەرسيتەتتىڭ الەۋمەتتىك-مادەني دامۋ جونىندەگى پرورەكتورى عالىمجان بيتۇرسىن ۆەدومستۆو باسشىسىنىڭ اتالعان وقۋ ورداسىنا ات باسىن بۇرىپ, بولاشاق ماماندارمەن تىلدەسىپ, جاقىنىراق تانىسۋى ستۋدەنتتەرگە جىلى اسەر قالدىرعانىن ايتتى.
«اسىرەسە ستۋدەنتتەر مينيسترگە جاساندى ينتەللەكت ورتالىعى مەن زەرتحانالاردا ءوز بىلىمدەرىن تاجىريبە جۇزىندە كورسەتىپ, يدەيالارىن اعىلشىن تىلىندە ءتۇسىندىرىپ, كەلگەن قوناقپەن ەركىن پىكىر الماستى. بۇل روبوتتەحنيكا زەرتحاناسى ستۋدەنتتەردىڭ جۇمىس ىستەۋىنە قولايلى ەتىپ جابدىقتالعان. زەرتحانا 3D-پرينتەر, 3D-كوزىلدىرىك, لازەرلىك ستانوكت, روبوت, جارىس الاڭدارىمەن تولىق قامتىلعان. سونىمەن بىرگە زەرتحانانىڭ ءبىر ەرەكشەلىگى – مۇندا ستۋدەنتتەرگە ءوز جوبالارىن ازىرلەپ, تاجىريبەدە سىناپ كورۋگە بار مۇمكىندىك قاراستىرىلعان. بۇل بولاشاق مامانداردىڭ ەرتەڭگى كۇنى ناقتى ونەركاسىپتىك جوبالارعا قاتىسۋىنا تىكەلەي جول اشادى. زاماناۋي يدەيا الماسۋ الاڭىندا ستۋدەنتتەرمەن كەزدەسكەن سالا ءمينيسترى جاسالىپ جاتقان قۇرىلعىلاردى قولدانىسقا كەڭىنەن ەنگىزىلۋ كەرەكتىگىن ايتتى. سونداي-اق وزىق يدەيالاردى جوعارى وقۋ ورىندارى قاۋىمداستىعى مەن بەلسەندى جاستار ءوزارا ۇنەمى ءبولىسىپ وتىرۋ قاجەتتىگىن ەسكە سالدى. وسى ورايدا ءبىزدىڭ وقۋ ورنى ءاردايىم مەملەكەت بەلگىلەگەن باستى ماقسات – ساپالى دا بىلىكتى ماماندار دايارلاۋ ءىسىن جالعاستىرا بەرەدى», دەدى ع. بيتۇرسىن.
سونىمەن قاتار مينيستر س.نۇربەك ۋنيۆەرسيتەتتىڭ تاۋلىك بويى جۇمىس ىستەيتىن كوۆوركينگ ورتالىعىندا بولىپ, زاماناۋي ءبىلىم بەرۋ مەن ساندىق جۇيەگە بەيىمدەلگەن كىتاپحانانى ارالادى. مۇندا دا ساباققا دايىندالىپ جاتقان جاستارمەن اڭگىمەلەستى. كەزدەسۋ بارىسىندا ۆەدومستۆو باسشىسى وزىق تەحنولوگيالارمەن جابدىقتالعان كىتاپحانالار ەلىمىزگە قاجەت ەكەنىن, ءبىلىم الۋشىلارعا يگىلىكتەردىڭ ءبارى بارىنشا قولجەتىمدى بولۋ كەرەكتىگىن, ال ونىڭ جارقىن ءبىر ۇلگىسىن الىپ تۇلعا ەسىمىن يەلەنگەن ۋنيۆەرسيتەتتەن بايقاعانىن جەتكىزدى.
ودان كەيىن عىلىم جانە جوعارى ءبىلىم ءمينيسترى ۋنيۆەرسيتەت بازاسىنداعى زاماناۋي ستاندارتتارعا تولىق سايكەس كەلەتىن, 200 ورىنعا ەسەپتەلىپ جابدىقتالعان ۇلتتىق بىرىڭعاي تەستىلەۋدى (ۇبت) وتكىزۋگە ارنالعان رەسپۋبليكالىق تەستىلەۋ ورتالىعىنا ات باسىن بۇردى. س. نۇربەك ءوز سوزىندە بيىلعى 13 قاڭتار مەن 10 اقپانى ارالىعىندا كۇنىنە 180-200 تالاپكەر ەكى لەك بويىنشا سىناق تاپسىرۋشىلاردى قابىلداپ جاتقان تەستىلەۋ ورتالىعىنىڭ قىزمەتىنە وڭ باعاسىن بەردى.
ج. تاشەنەۆ ۋنيۆەرسيتەتىنىڭ پرورەكتورى ع.بيتۇرسىننىڭ ايتۋىنشا, زاماناۋي بارلىق يگىلىكتەر ءبىلىم الۋشىلاردىڭ ىڭعايىنا قاراي باعىتتالىپ جاسالعان. وسى ورايدا, بىلتىر قولدانىسقا بەرىلگەن كورنەكتى جازۋشى مارحابات بايعۇت اتىنداعى ستۋدەنتتەر ورتالىعىن ايتۋعا بولادى. بۇل ورتالىقتا ۋنيۆەرسيتەتتىڭ بەلسەندى جاستارى ء جيى باس قوسىپ, وزىق يدەيالارىن ورتاعا سالىپ, ءتۇرلى تاقىرىپتا اڭگىمە-دۇكەن قۇرادى. قىسقاسى, قازاققا تانىمال قالامگەر مارحابات بايعۇت ەسىمىن يەلەنگەن بۇل ورتالىق جاستاردىڭ پىكىر الماسىپ, يدەيالارى توعىساتىن الاڭعا اينالىپ وتىر.
