فوتو: اقتوبە وبلىسىنىڭ ءباسپاسوز قىزمەتى
زارداپ شەككەندەردىڭ اراسىندا ەكى بالا بار (3 جاسار ۇل جانە 14 جاستاعى قىز). ولار سانيتارلىق اۆياتسيامەن اقتوبە قالالىق بالالار اۋرۋحاناسىنا جەتكىزىلدى. ۇل بالادا دەنە جاراقاتتارى, جابىق باس سۇيەك-مي جاراقاتى, باس ميىنىڭ اۋىر كونتۋزياسى انىقتالدى. قىز جابىق باس-مي جاراقاتىن العان, ميى شايقالعان, ومىرتقاسى سىنعان.
بارلىعى بەس ادام اۋرۋحاناعا جاتقىزىلدى. مۇعالجار اۋداندىق اۋرۋحاناسىندا ءۇش ەرەسەك ادام ورنالاستىرىلدى.
دەنساۋلىق ساقتاۋ باسقارماسىنىڭ مالىمەتىنشە, 38 جانە 42 جاستاعى ەكى ايەل مەن 40 جاستاعى ەر ادام مي جاراقاتىن العان.
اقتوبە وبلىسىنىڭ پوليتسيا دەپارتامەنتىنىڭ حابارلاۋىنشا, 16 اقپاندا اقتوبە-استراحان تاس جولىنىڭ 89-شاقىرىمىندا شۇبارقۇدىق باعىتىندا اقتوبە باعىتىمەن قاندىاعاش ماڭىندا كەلە جاتقان ۆاز-2115 جۇرگىزۋشىسى قارسى باعىتتاعى قوزعالىس جولاعىنا شىعىپ كەتىپ DAF جۇك كولىگىمەن سوقتىعىسقان.
ۆاز-2115 كولىگىندەگى زارداپ شەككەندەر اۋرۋحاناعا جەتكىزىلىپ, سوتقا دەيىنگى تەرگەۋ باستالدى.
