«فيرمانىڭ ليتسەنزياسىن جانە ول تۋرالى پىكىرلەردى تەكسەرىڭىز. مۇنداي ساپارلاردى ۇيىمداستىراتىن رەسمي تۋريستىك كومپانيالاردىڭ مەملەكەتتىك ليتسەنزياسى بولۋى قاجەت. كليەنتتەردىڭ پىكىرلەرىن مۇقيات زەرتتەڭىز. تۋروپەراتورلار ءار تۋريستكە ارنايى تۋركود ۇسىنۋى ءتيىس. تىم تومەن باعاعا قىزىعىپ, الاياقتاردىڭ قۇربانى بولماڭىز. ەگەر ۇسىنىس كۇمان تۋدىرسا, اسىعىس شەشىم قابىلداماڭىز. تۋريستىك فيرمالاردىڭ باعالارىن سالىستىرىپ, نارىقتىق دەڭگەيگە سايكەستىگىن انىقتاعان ءجون», – دەلىنگەن ءىىم تاراتقان حابارلامادا.
الاياقتاردىڭ ارباۋىنا تۇسپەۋ ءۇشىن كەلەسى ساقتىق شارالارىن ۇستانۋ قاجەت:
قۇجاتتار مەن كەلىسىمشارتتى تەكسەرىڭىز;
بارلىق كەلىسىمشارتتى مۇقيات وقىپ شىعىڭىز. ەگەر ءبىر نارسە تۇسىنىكسىز بولسا, مامانمەن كەڭەسىڭىز;
بايلانىس دەرەكتەرىنە نازار اۋدارىڭىز;
سەنىمدى تۋرفيرمانىڭ ناقتى مەكەنجايى, بايلانىس تەلەفونى جانە ەلەكتروندى پوشتاسى بولادى. الاياقتار كوبىنە بايلانىس دەرەكتەرىن جاسىرىن ۇستاۋى مۇمكىن;
تۋر باعدارلاماسىن مۇقيات زەردەلەڭىز;
ۇسىنىلعان قىزمەتتەردىڭ تولىق ءتىزىمىن قاراپ شىعىڭىز (ۇشۋ, تۇرعىن ءۇي, كولىك, تاماقتانۋ, مەديتسينالىق ساقتاندىرۋ جانە ت.ب.);
قوسىمشا تولەمدەردەن ساق بولىڭىز. تۋر باعاسىنا بارلىق قاجەتتى شىعىندار كىرەتىنىنە كوز جەتكىزىڭىز.
ءىىم ازاماتتارعا تەك رەسمي تىركەلگەن تۋروپەراتورلاردىڭ قىزمەتىنە جۇگىنۋگە جانە كۇماندى ۇسىنىستارعا سەنبەۋگە كەڭەس بەرەدى.
