شقو سوتى ءباسپاسوز قىزمەتىنىڭ مالىمەتىنە سۇيەنسەك, تارباعاتاي اۋداندىق سوتىندا قر اكىمشىلىك قۇقىق بۇزۋشىلىق تۋرالى كودەكسىنىڭ 73-بابى 1-بولىگىمەن ءىس قارالدى. بەلگىلى بولعانداي, ەر ادام 23 قاڭتاردا ۇيدە ءبىر بوتەلكە اراق ءىشىپ, ءوزىنىڭ تۋعان قىزىنا بىلاپىت سوزدەر ايتقان.
– 18 جاستاعى قىز بۇل تۋرالى تارباعاتاي اۋداندىق پوليتسياسىنا حابارلادى. تەكسەرۋ بارىسىندا ايىپتالۋشىنىڭ "اسا اۋىر" الكوگولدىك ماس كۇيدە بولا تۇرا, قىزىنا جانجال شىعارىپ, ادەپسىز سوزدەر ايتىپ, ونىڭ تىنىشتىعىن بۇزعاندىعى انىقتالعان. سوتتىڭ قاۋلىسىمەن ەر ادام كىنالى دەپ تانىلدى. ول ەسكەرتۋ تۇرىندەگى اكىمشىلىك جاۋاپكەرشىلىككە تارتىلدى, – دەلىنگەن اقپاراتتا.
