ءىىم موپەدتى تىركەۋگە قاتىستى تۇسىنىك بەردى

موپەدتى تىركەۋ ەرەجەلەرى, قاجەتتى قۇجاتتار

موپەدتەردى تىركەۋ ءۇشىن تۇرعىلىقتى جەرى بويىنشا مامانداندىرىلعان حالىققا قىزمەت كورسەتۋ ورتالىعىنا بارۋ قاجەت. جەكە باسىن كۋالاندىراتىن قۇجات, ەلەكتروندى تۇردە دە بولادى, موپەدتىڭ تەحنيكالىق قۇجاتىن نەمەسە تەحنيكالىق سيپاتتامالارى تۋرالى مالىمەتتى ۇسىنۋ قاجەت. سودان سوڭ ءوتىنىش تولتىرىپ, موپەدتى تەكسەرىپ, سونداي-اق ونى تىركەۋ (0,25 اەك) جانە تىركەۋ تۋرالى كۋالىك (1,25 اەك) پەن مەملەكەتتىك ءنومىر (1,4 اەك) ءۇشىن مەملەكەتتىك باجداردى تولەۋ كەرەك.

قۇجات بولماعان جاعدايدا تىركەۋ

ەشقانداي قۇجات نەمەسە VIN-كود بولماعان جاعدايدا يا بولماسا قانداي دا ءبىر سەبەپتەرگە بايلانىستى موپەدتىڭ شىعارىلعان جىلىن بەلگىلەۋ مۇمكىن بولماسا, ونى ىشكى ىستەر ورگاندارى تەكسەرۋ جۇرگىزگەننەن كەيىن بەرەدى. بۇل رەتتە ونى قاراپ-تەكسەرۋ جۇرگىزىلگەن جىل موپەدتىڭ شىعارىلعان جىلى بولىپ ەسەپتەلەدى.

موپەدتى باسقارۋ ءۇشىن كۋالىكتىڭ قانداي ساناتتارى قاجەت

«جول ءجۇرىسى تۋرالى» زاڭعا سايكەس موپەدتى باسقارۋ ءۇشىن ا1 ساناتى بار كۋالىك قاجەت. ەگەر جۇرگىزۋشىنىڭ ا نەمەسە ۆ ساناتىنداعى كۋالىگى بولسا, ول دا موپەدتى باسقارا الادى.

موپەدتەرگە ارنالعان مەملەكەتتىك تىركەۋ نومىرلىك بەلگىلەرى قانداي تارتىپپەن بەرىلەدى

موپەدتەرگە مەملەكەتتىك ءنومىر بەرۋ قولدانىستاعى تارتىپكە سايكەس جۇزەگە اسىرىلادى, ياعني جۇيە اۆتوماتتى تۇردە ءنومىردى تاڭدايدى. مىسالى, ءدال وسىنداي ءتاسىل موتوتسيكلدەرگە دە قاتىستى قولدانىلعان.

⁠5 ساۋىردەن كەيىن موپەدتەرىن تىركەمەگەندەرگە قانداي جاۋاپكەرشىلىك كوزدەلگەن

زاڭعا سايكەس 5 ساۋىردەن كەيىن تىركەلمەگەن موپەدتەردى باسقارۋعا تىيىم سالىنادى. قۇقىق بۇزۋشىلىق انىقتالعان جاعدايدا اكىمشىلىك قۇقىق بۇزۋشىلىق تۋرالى كودەكستىڭ 590-بابىنىڭ 2-تارماعىمەن اكىمشىلىك جاۋاپكەرشىلىك كوزدەلگەن (10 اەك ايىپپۇل).