استانادا الامان ايقاس

استانادا 28 ماۋسىم مەن 2 شىلدە ارالىعىندا بوكس فەدەراتسيا­سىنىڭ ۇيىمداستىرۋىمەن سپورتتىڭ وسى تۇرىنەن ەرەسەكتەر اراسىندا “قازاقستان رەسپۋبليكاسى پرەزيدەنتىنىڭ كۋبوگى” جولىنداعى ەكىنشى حالىقارالىق تۋرنير وتەدى. وعان 16 ەلدىڭ ۇلتتىق قۇرامدارى قاتىسىپ, 11 سالماق دارەجەسى بويىنشا قولعاپ تۇيىستىرەدى. بوكس فەدەراتسياسىنىڭ ۇيلەستىرۋشىسى گاليب جافاروۆتىڭ ايتۋىنشا, تۋرنيرگە قازاقستان قۇرامىندا ەكى دۇركىن الەم چەمپيونى سەرىك ساپيەۆ, ۋكراينا جاعىنان 57 كيلودا بەيجىڭ وليمپياداسىنىڭ چەمپيونى اتانعان ۆاسيلي لوماچەنكو قاتىسادى. قازىر وسى جەكپە-جەكتەرگە دايىندىق جۇمىستارى جۇرگىزىلۋدە. وسى اپتادا تۋرنيرگە قاتىساتىن كوماندالار ششۋچەدە جاتتىعۋ جيىندارىن وتكىزىپ, دايىندىقتارىن پىسىقتادى. مۇندا ءار ەلدىڭ قۇرامدارى ىرىكتەۋ سىندارىن ۇيىمداستىرىپ, ءوزارا سپاررينگ جەكپە-جەكتەرىن وتكىزدى. – وسى جەتىدە بوكسشىلاردىڭ ءبارى كوكشە وڭىرىنە جينالدى. ءبىزدىڭ قۇرام ءبىر ەمەس, ءۇش قۇراممەن جاتتىعۋ جيىندارىن وتكىزدى, – دەيدى گ.جافاروۆ. – ال رەسەي تۋرنيرگە ەكىنشى قۇرامىن جىبەرىپتى. ەۋروپا چەمپيوناتى جاقىندا عانا اياقتالعاندىقتان, ولار نەگىزگى قۇرامعا دەمالىس بەرگەن ەكەن. ءبىز 60 كيلودا ەكى دۇركىن وليمپيادا چەمپيونى اتانعان الەكسەي تيششەنكو كەلە مە دەپ ەدىك. بىراق ول دا كەلە المادى. بيىلعى تۋرنير جونىندە تاعى ءبىر اتاپ وتەتىن نارسە, وندا جە­ڭىمپاز اتانعان بوكسشىعا 4 000 اقش دوللارى, ەكىنشى ورىن العانعا 3 000 دوللار, قولا جۇلدەگەرگە 1 500 دوللار بەرىلەدى. تۋرنير ايبا ەرەجەسىنە سايكەس, 3 مينوتتەن 3 راۋند بويىنشا وتەدى. داستان كەنجالين. سپارتاكيادا مارەسىنە جەتتى ەلباسى نۇرسۇلتان نازارباەۆ بيىلعى قازاقستان حالقىنا جول­داۋىندا قازاقستاندىقتاردىڭ 30 پايىزعا دەيىنى بۇقارالىق سپورتقا تارتىلۋى كەرەك دەپ مىندەت قوي­عانى بەلگىلى. ەلباسى جولداۋىن قولداۋ, بۇقارالىق سپورتتى جەتىل­دىرۋ ارقىلى كوپشىلىكتىڭ سپورتقا دەگەن كوزقاراسىن قالىپتاستىرۋ ماقساتىندا, ۇلى جەڭىستىڭ 65 جىلدىق مەرەكەسىنە ورايلاستى­رى­لىپ, قىزىلوردا وبلىستىق دەن­ساۋ­لىق ساقتاۋ باسقارماسىنىڭ مۇرىندىق بولۋىمەن وتكىزىلگەن مەديتسينا قىزمەتكەرلەرىنىڭ جىل سايىنعى ءداستۇرلى 44 سپارتاكيا­داسى ءوز مارەسىنە جەتتى. ايعا سوزىلعان ءداستۇرلى شاراعا قالاداعى بارلىق ەمدەۋ, الدىن الۋ مەكەمەلەرى قاتىستى. سپارتاكيادا بارىسىندا ارقان تارتۋ, شاحمات, ۇستەل تەننيسى, ۆولەيبول, باسكەت­بول, شاعىن فۋتبول, بالىق اۋلاۋ, ور­ىندا تۇرىپ سەكىرۋ, سۋدا ءجۇزۋ سە­كىلدى سپورتتىڭ 9 تۇرىنەن جارىستار وتكىزىلدى. سپارتاكيادا قورىتىندىسىندا ءبىرىنشى ورىندى وبلىستىق پسي­حو-نەۆرولوگيالىق ديسپانسەرى, ەكىنشى ورىندى قالالىق جەدەل جاردەم ستانساسى, ءۇشىنشى ورىندى مەدي­تسي­نا كوللەدجى يەلەندى. سپار­تاكيادا كولەمىندە بەلسەندىلىك تانىتقان كوماندالار دا نازاردان تىس قال­عان جوق. “ەڭ جاس, بەلسەندى كو­مان­دا” نوميناتسياسى بويىنشا قى­زىل­وردا “وركەنيەت” مەديتسي­نا­لىق كوللەدجى, “ەڭ جىگەرلى كو­ماندا” نوميناتسياسى بويىنشا قى­زىل­وردا وبلىستىق وباعا قار­سى كۇرەس ستانساسى, “بىرلىگى جا­راسقان كو­ماندا” نوميناتسياسى بوي­ىنشا وبلىستىق پسيحو-نەۆ­رو­لوگيالىق اۋرۋحاناسى ماراپات­تال­دى. سۋدا ءجۇزۋ سپورتتىق جارى­سىندا ءبىرىنشى ورىندى يەلەنگەن وبلىستىق سا­لاماتتى ءومىر سالتىن قالىپتاس­تى­رۋ ورتالىعى ماراپات­تال­دى. مە­ديتسينا قىزمەتكەر­لە­رىنىڭ كاسىبي مەرەكەسى قارسا­ڭىن­داعى سپارتا­كيادا قورىتىندىسىن­دا جۇلدە­گەر­لەر مەن كوماندالىق جەڭىمپازدار سىي-سياپاتتار جانە العىس حاتتار­مەن ماراپاتتالدى. قۇرمانعازى جۇماعۇل ۇلى,  ل.ن.گۋميلەۆ اتىنداعى ەۇۋ ستۋدەنتى.