فوتو: اقتوبە وبلىسى اكىمدىگى
باعدارلامانىڭ تيىمدىلىگىن قامتاماسىز ەتۋ ءۇشىن وقۋشىلار اراسىندا الدىن الا ساۋالناما جۇرگىزىلەدى. بۇل ۇيىمداستىرۋشىلارعا وقۋشىلاردىڭ مۇددەلەرى مەن قاجەتتىلىكتەرىن تۇسىنۋگە, ساباقتاردىڭ مازمۇنىن ولاردىڭ سۇرانىستارىنا بەيىمدەۋگە مۇمكىندىك بەرەدى.
اقتوبە وبلىسى ءبىلىم باسقارماسىنىڭ ورىنباسارى دينا جامانباەۆانىڭ ايتۋىنشا, «قادام Life» جوباسى مەكتەپ وقۋشىلارىنا جۇمىسشى ماماندىقتارىنا قىزىعۋشىلىق تانىتىپ, پراكتيكالىق داعدىلاردى يگەرۋگە جانە مەكتەپتەر مەن كوللەدجدەر اراسىندا بايلانىس ورناتۋعا كومەكتەسەدى. جوبا 93 ماماندىق, 137 بىلىكتىلىك بويىنشا 250 مەكتەپ پەن 10 مىڭعا جۋىق وقۋشىنى قامتيدى. سونىمەن قاتار, وبلىستىڭ شالعايداعى اۋىلدارىندا دا كاسىپتىك باعدارلاۋ ءىس-شارالارىن وتكىزۋ جوسپارلانىپ وتىر.
وبلىس اكىمدىگىنىڭ ءباسپاسوز قىزمەتىنىڭ مالىمدەۋىنشە كوللەدج وقىتۋشىلارى مەكتەپتەردە ءتۇرلى ماماندىقتار بويىنشا كورسەتۋ ساباقتارىن وتكىزەدى. وقۋشىلار كوللەدجدەردە قولدانىلاتىن جابدىقتار جانە وقۋ ماتەريالدارىمەن تانىسىپ, سونداي-اق ءتۇرلى سالالاردىڭ تاجىريبەلى ماماندارى وتكىزەتىن شەبەرلىك كلاستار جانە كەزدەسۋلەرگە قاتىسا الادى. مىسالى بۇگىن قالاداعى جوعارعى پوليتەحنيكالىق كوللەدجىنىڭ وقىتۋشىلارى №39 مەكتەپ-ليتسەي وقۋشىلارىنا كاسىبي باعدار بەرۋ شاراسىن وتكىزىپ, بالالار قىزىقتىراتىن ساۋالدارىنا جاۋاپ الىپ, وقۋعا قابىلدانۋ جاعدايلارى تۋرالى سۇراپ ءبىلدى.
