استانا. 6 اقپان. تەننيستەن فەدەراتسيا كۋبوگى جارىسىندا قازاقستان ازيا جانە مۇحيت ايماعى ەلدەرى سايىسىنىڭ ءبىرىنشى توبىندا فينالعا شىقتى. بۇل تۋرالى egemen.kz حابارلادى.
قىتايدىڭ گۋانچجوۋ قالاسىندا ءوتىپ جاتقان جارىستا وتاندىق تەننيسشىلەر ءوز توبىنداعى شەشۋشى ءۇشىنشى ويىندى تايلاند قىزدارىنا قارسى وتكىزدى. العاشقى ويىندا ەلىمىزدىڭ ەكىنشى راكەتكاسى ياروسلاۆا شۆەدوۆا قارسىلاسى پەانتانۋ پليپۋەچتەن باسىم ءتۇستى. ءبىرىنشى سەتتە سلاۆا تاي-برەيك ارقىلى جەڭسە, كەلەسى كەزەڭدە تاي قىزىنىڭ باسىمدىعى تىركەلدى. دەسەك تە, شەشۋشى سەتتە شۆەدوۆا قارسىلاسىنا ەكى ۇپاي عانا ۇستاتىپ, ويىندى 6:7, 7:5, 6:2 ەسەبىمەن ءوز پايداسىنا اياقتادى.
ەكىنشى ويىندا قازاق تەننيسىنىڭ جارىق جۇلدىزى, ەلىمىزدىڭ ءبىرىنشى ءنومىرلى تەننيسشىسى زارينا دياس تايلاند سەنىم ارتقان نيچە لەتپيتاكسينچايدى تاس-تالقان قىلىپ جەڭدى. ەكى كەزەڭگە سوزىلعان ويىندا زارينا قارسىلاسىنا ەشقانداي ۇپاي بەرمەدى. ناتيجەسىندە, ءبىزدىڭ قىزدىڭ پايداسىنا 6:0, 6:0 ەسەبى تىركەلىپ, جارىس بارىسىندا قازاقستان ءۇشىنشى ويىن قاتارىنان مەرزىمىنەن بۇرىن جەڭىسكە جەتتى.
جۇپتىق كەزدەسۋدە ەلىمىزدىڭ اتىنان ادەتتەگىدەي كاميلا كەرىمباەۆا مەن يۋليا پۋتينتسەۆا كورتقا شىقتى. ال تايلاند تاراپىنىن لۋكسيكا كۋمحۋم مەن تامارينە تاناسۋگارن جۇبى سىنعا ءتۇستى. ءبىزدىڭ قىزدار العاشقى سەتتە ەسە جىبەرگەنىمەن, ەكىنشى كەزەڭدە جالپى ەسەپتەگى تارازى باسىن تەڭەستىرگەن ەدى. ءۇشىنشى سەتتە تاي قىزدارىنىڭ مەرەيى ۇستەم بولىپ, 6:3, 1:6, 6:3 ەسەبىمەن باسىمدىق تانىتتى.
دەسەك تە, دياس دوسقاراەۆ جاتتىقتىراتىن قازاقستان «ۆ» توبىندا بارلىق قارسىلاستارىن قاپى قالدىرىپ, ۇزدىك اتاندى. سوعان سايكەس ءىى الەمدىك توپتىڭ پلەي-وفف ساتىسىنا بەرىلەر جولداماعا تالاسۋعا مۇمكىندىك الدى. بۇل سىندا ءبىزدى «ا» توبىنىڭ جەڭىمپازى جاپونيا قىزدارى كۇتىپ تۇر. ءوز كەزەگىندە ولار وڭتۇستىك كورەيا, قىتايلىق گونكونگ جانە وزبەكستان قۇرامالارىنا قارسى ويناپ, بارلىق تارتىستا 3:0 ەسەبىمەن جەڭدى. ەگەر قىزدارىمىز جاپونيانى دا اينالىپ وتەر بولسا, ءىى الەمدىك توپتا سوڭعى ورىن العان كوماندامەن اتالعان ساتىنىڭ جولداماسىن ساراپقا سالادى. جاپونيامەن ويىن 7 اقپان كۇنى وتەدى.
ەلامان قوڭىر.
دەرەك: egemen.kz.
سۋرەت: ktf.kz.
استانا. 6 اقپان. تەننيستەن فەدەراتسيا كۋبوگى جارىسىندا قازاقستان ازيا جانە مۇحيت ايماعى ەلدەرى سايىسىنىڭ ءبىرىنشى توبىندا فينالعا شىقتى. بۇل تۋرالى egemen.kz حابارلادى.
قىتايدىڭ گۋانچجوۋ قالاسىندا ءوتىپ جاتقان جارىستا وتاندىق تەننيسشىلەر ءوز توبىنداعى شەشۋشى ءۇشىنشى ويىندى تايلاند قىزدارىنا قارسى وتكىزدى. العاشقى ويىندا ەلىمىزدىڭ ەكىنشى راكەتكاسى ياروسلاۆا شۆەدوۆا قارسىلاسى پەانتانۋ پليپۋەچتەن باسىم ءتۇستى. ءبىرىنشى سەتتە سلاۆا تاي-برەيك ارقىلى جەڭسە, كەلەسى كەزەڭدە تاي قىزىنىڭ باسىمدىعى تىركەلدى. دەسەك تە, شەشۋشى سەتتە شۆەدوۆا قارسىلاسىنا ەكى ۇپاي عانا ۇستاتىپ, ويىندى 6:7, 7:5, 6:2 ەسەبىمەن ءوز پايداسىنا اياقتادى.
ەكىنشى ويىندا قازاق تەننيسىنىڭ جارىق جۇلدىزى, ەلىمىزدىڭ ءبىرىنشى ءنومىرلى تەننيسشىسى زارينا دياس تايلاند سەنىم ارتقان نيچە لەتپيتاكسينچايدى تاس-تالقان قىلىپ جەڭدى. ەكى كەزەڭگە سوزىلعان ويىندا زارينا قارسىلاسىنا ەشقانداي ۇپاي بەرمەدى. ناتيجەسىندە, ءبىزدىڭ قىزدىڭ پايداسىنا 6:0, 6:0 ەسەبى تىركەلىپ, جارىس بارىسىندا قازاقستان ءۇشىنشى ويىن قاتارىنان مەرزىمىنەن بۇرىن جەڭىسكە جەتتى.
جۇپتىق كەزدەسۋدە ەلىمىزدىڭ اتىنان ادەتتەگىدەي كاميلا كەرىمباەۆا مەن يۋليا پۋتينتسەۆا كورتقا شىقتى. ال تايلاند تاراپىنىن لۋكسيكا كۋمحۋم مەن تامارينە تاناسۋگارن جۇبى سىنعا ءتۇستى. ءبىزدىڭ قىزدار العاشقى سەتتە ەسە جىبەرگەنىمەن, ەكىنشى كەزەڭدە جالپى ەسەپتەگى تارازى باسىن تەڭەستىرگەن ەدى. ءۇشىنشى سەتتە تاي قىزدارىنىڭ مەرەيى ۇستەم بولىپ, 6:3, 1:6, 6:3 ەسەبىمەن باسىمدىق تانىتتى.
دەسەك تە, دياس دوسقاراەۆ جاتتىقتىراتىن قازاقستان «ۆ» توبىندا بارلىق قارسىلاستارىن قاپى قالدىرىپ, ۇزدىك اتاندى. سوعان سايكەس ءىى الەمدىك توپتىڭ پلەي-وفف ساتىسىنا بەرىلەر جولداماعا تالاسۋعا مۇمكىندىك الدى. بۇل سىندا ءبىزدى «ا» توبىنىڭ جەڭىمپازى جاپونيا قىزدارى كۇتىپ تۇر. ءوز كەزەگىندە ولار وڭتۇستىك كورەيا, قىتايلىق گونكونگ جانە وزبەكستان قۇرامالارىنا قارسى ويناپ, بارلىق تارتىستا 3:0 ەسەبىمەن جەڭدى. ەگەر قىزدارىمىز جاپونيانى دا اينالىپ وتەر بولسا, ءىى الەمدىك توپتا سوڭعى ورىن العان كوماندامەن اتالعان ساتىنىڭ جولداماسىن ساراپقا سالادى. جاپونيامەن ويىن 7 اقپان كۇنى وتەدى.
ەلامان قوڭىر.
دەرەك: egemen.kz.
سۋرەت: ktf.kz.
