فوتو: قر تۋريزم جانە سپورت مينيسترلىگى
بۇل سىندا (4×5 كم) ۇلتتىق قۇراما مارەگە قىتايدان كەيىن كەلدى. ۇزدىك ۇشتىكتى جاپونيا شاڭعىشىلارى تۇيىندەدى.
جارىس جولىنا كاميلا ەلعازينوۆا, كسەنيا شالىگينا (كلاسسيكالىق ءادىس), انگەلينا شۋرىگا مەن نادەجدا ستەپاشكينا (ەركىن ءادىس) شىقتى.
مۇندا بارلىعى 6 ەلدىڭ قۇراماسى جۇلدەگە تالاستى. ەندى استانا ۋاقىتىمەن ساعات 10:00-دە ەرلەر اراسىنداعى (4×7.5 كم) ەستافەتا باستالادى.
ايتا كەتەيىك, بۇل شاڭعى جارىسىنان حاربين-2025 باسەكەسىندە قازاقستان قورجىنىنا تۇسكەن 3-ءشى جۇلدە. وسىعان دەيىن جەكەلەي سىندا كونستانتين بورتسوۆ كۇمىس, ولجاس كليمين قولا ولجالاعان.
