ءبىرجان جاقىپوۆ چاگاس لوۋرەنسيدى ەكىنشى رەت جەڭدى

استانا. 6 اقپان. AIBA Proboxing جوباسىندا باق سىناپ جۇرگەن بوكسشىمىز ءبىرجان جاقىپوۆ (49 كيلو) كەزەكتى رەيتينگتىك جەكپە-جەگىن وتكىزىپ, جەڭىسكە جەتتى. بۇل تۋرالى egemen.kz حابارلادى. گونكونگتە وتكەن سايىستا ءبىرجان برازيليالىق چاگاس ۆالەريو لوۋرەنسيمەن جۇدىرىقتاستى. تارتىس سوڭىندا قاپتالداعى تورەشىلەر ءبىراۋىزدان جەڭىستى قازاق بوكسشىسىنا بەردى (58:56, 58:56, 58:56). قوس بوكسشى جوبا اياسىندا وسىعان دەيىن ءبىر مارتە كەزدەسىپ, ول كەزدە دە ءبىزدىڭ جىگىت باسىم بولعان ەدى. ءبىرجان ءۇشىن بۇل رەيتينگتىك جەكپە-جەك. جوبانىڭ العاشقى كەزەڭىندە فينالعا شىعا الماعان ول ەندى ەكىنشى كەزەڭدە وليمپيادا جولداماسىنا تالاسىپ كورمەك. سونداي-اق, ارۆ جوباسىنىڭ بۇل كەزەڭىندە وليمپيادا جولداماسىنا بوكسشىلارىمىز ءىلياس سۇلەيمەنوۆ (52 كيلو) پەن انتون پينچۋك (91 كيلو) تە تالاساتىن بولادى. ەكەۋى دە سوڭعى رەيتينگتىك جەكپە-جەكتەرىن جەڭىسپەن اياقتادى. ءىلياس الجيرلىك موحاممەد ءفليسسيدى ەكىنشى راۋندتا تەحنيكالىق نوكاۋتپەن جەڭسە, انتون گەرمانيالىق ەمير احماتوۆيچتەن 3:0 (59:55, 59:55, 59:55) ەسەبىمەن باسىم ءتۇستى. سونىمەن قاتار گونكونگتە وتكەن باسەكەدە 49 كيلو سالماق دارەجەسى بويىنشا ءبىرىنشى كەزەڭنىڭ چەمپيونى انىقتالدى. بۇل سالماقتا فينالعا قوس قىتايلىق بوكسشى ليۋ بين مەن جۋن لين ۆۋ شىققان ەدى. ەكى بوكسشى اراسىنداعى تارتىستا ليۋ بين 3:0 (79:73, 78:74, 79:73) ەسەبىمەن جەڭىسكە جەتىپ, چەمپيوندىق بەلدىككە يە بولدى. ەلامان قوڭىر. دەرەك: egemen.kz. سۋرەت: aibaproboxing.com.