استانا. 6 اقپان. يسپانيانىڭ گرانادا قالاسىندا ءوتىپ جاتقان قىسقى ۋنيۆەرسيادا ويىندارىندا فريستايلدىڭ موگۋل ءتۇرى بويىنشا سىنعا تۇسكەن قازاقستاندىق سپورتشىلار 2 التىن جانە 1 كۇمىس مەدال ولجالادى. بۇل تۋرالى egemen.kz حابارلادى.
قىزدار اراسىنداعى باسەكەدە ەلىمىزدىڭ نامىسىن يۋليا گالىشەۆا قورعادى. بۇل سىنعا بارلىعى 14 سپورتشى قاتىستى. رەسەي, اقش, وڭتۇستىك كورەيا سىندى ەلدەر ەكى-ءۇش سپورتشىدان الىپ كەلگەنىنە قاراماستان, بارلىق قارسىلاستىڭ ءبىزدىڭ يۋلياعا شامالارى جەتپەدى. ناتيجەسىندە, جاتتىعۋلارىن جوعارى دەڭگەيدە ورىنداعان قازاقستاندىق موگۋل شەبەرى 66,00 ۇپاي جيناپ, ۋنيۆەرسيادا چەمپيونى اتاندى. كۇمىس مەدال رەسەيلىك ماريكا پەرتاحياعا بۇيىرسا (59,90 ۇپاي), سايىستىڭ قولا جۇلدەسى 51,86 ۇپاي جيناعان وڭتۇستىككورەيالىق سو چجي ۆوننىڭ ەنشىسىنە جازىلدى.
گالىشەۆا وسىدان ءبىر ايعا جۋىق ۋاقىت بۇرىن الەم چەمپيوناتىندا قولا مەدالعا قول جەتكىزگەن سپورتشى. سونداي-اق, وتكەن جىلعى سوچي وليمپياداسىندا دا فينالعا دەيىن سۇرىنبەي جەتىپ, 6-ورىنعا تابان تىرەگەنى ەسىمىزدە.
قورجىنعا تۇسكەن ەكىنشى التىن مەدال مەن كۇمىس جۇلدەنى موگۋلشى جىگىتتەرىمىز سىيلادى. ولار پاۆەل كولماكوۆ پەن دميتري رەيحەرد. جارىس بارىسىندا پاۆەلدىڭ ونەرىنە تورەشىلەر 72,45 ۇپاي بەرسە, ديمانىڭ جاتتىعۋلارىن 68,73 ۇپايمەن باعالادى. سايىستىڭ قولا جۇلدەسى 62,11 ۇپاي جيناعان رەسەيلىك سەرگەي شيمبۋەۆكە بۇيىردى. دميتري رەيحەرد تە سوچي وليمپياداسىنىڭ فينالىندا ونەر كورسەتىپ, ءدۇبىرلى دودانى 5-ورىنمەن اياقتاعانىن ايتا كەتەيىك.
ەرلەر اراسىنداعى باسەكەگە بارلىعى 23 سپورتشى قاتىسسا, سونىڭ تورتەۋى قازاقستاندىق بولدى. ولاردىڭ ەكەۋىنىڭ ناتيجەسىن جوعارىدا ايتتىق. ال اندرەي لوگينوۆ ەسىمدى سپورتشىمىز (44,41 ۇپاي) 11-ءشى, كونستانتين گورلاچەۆ (20,66 ۇپاي) 19-ورىننان كورىندى.
بۇگىندە قورجىنىمىزدا بارلىعى 5 التىن جانە 5 كۇمىس مەدال بار. 3 التىن جانە 4 كۇمىس مەدالدى ۋنيۆەرسيادانىڭ سلوۆاكيادا وتكەن العاشقى بولىگىندە ولجالاعانىمىزدى ايتا كەتەيىك. ول جەردە سولتۇستىك سپورت تۇرلەرى جانە بياتلوننان سايىستار وتكەن بولاتىن.
جالپىكوماندالىق ەسەپتە ەكىنشى ورىندا كەلەمىز. كوش باسىندا رەسەي تۇر. ولاردىڭ قورجىنىندا 14 التىن, 13 كۇمىس جانە 15 قولا مەدال بار. ال 2 التىن جانە 2 كۇمىس مەدالى بار گەرمانيا ازىرگە ۇزدىك ۇشتىكتى تۇيىندەپ تۇر. ۋنيۆەرسيادا ويىندارى 14 اقپاندا مارەسىنە جەتەدى.
ەلامان قوڭىر.
دەرەك: egemen.kz.
سۋرەت: granada2015.org.
استانا. 6 اقپان. يسپانيانىڭ گرانادا قالاسىندا ءوتىپ جاتقان قىسقى ۋنيۆەرسيادا ويىندارىندا فريستايلدىڭ موگۋل ءتۇرى بويىنشا سىنعا تۇسكەن قازاقستاندىق سپورتشىلار 2 التىن جانە 1 كۇمىس مەدال ولجالادى. بۇل تۋرالى egemen.kz حابارلادى.
قىزدار اراسىنداعى باسەكەدە ەلىمىزدىڭ نامىسىن يۋليا گالىشەۆا قورعادى. بۇل سىنعا بارلىعى 14 سپورتشى قاتىستى. رەسەي, اقش, وڭتۇستىك كورەيا سىندى ەلدەر ەكى-ءۇش سپورتشىدان الىپ كەلگەنىنە قاراماستان, بارلىق قارسىلاستىڭ ءبىزدىڭ يۋلياعا شامالارى جەتپەدى. ناتيجەسىندە, جاتتىعۋلارىن جوعارى دەڭگەيدە ورىنداعان قازاقستاندىق موگۋل شەبەرى 66,00 ۇپاي جيناپ, ۋنيۆەرسيادا چەمپيونى اتاندى. كۇمىس مەدال رەسەيلىك ماريكا پەرتاحياعا بۇيىرسا (59,90 ۇپاي), سايىستىڭ قولا جۇلدەسى 51,86 ۇپاي جيناعان وڭتۇستىككورەيالىق سو چجي ۆوننىڭ ەنشىسىنە جازىلدى.
گالىشەۆا وسىدان ءبىر ايعا جۋىق ۋاقىت بۇرىن الەم چەمپيوناتىندا قولا مەدالعا قول جەتكىزگەن سپورتشى. سونداي-اق, وتكەن جىلعى سوچي وليمپياداسىندا دا فينالعا دەيىن سۇرىنبەي جەتىپ, 6-ورىنعا تابان تىرەگەنى ەسىمىزدە.
قورجىنعا تۇسكەن ەكىنشى التىن مەدال مەن كۇمىس جۇلدەنى موگۋلشى جىگىتتەرىمىز سىيلادى. ولار پاۆەل كولماكوۆ پەن دميتري رەيحەرد. جارىس بارىسىندا پاۆەلدىڭ ونەرىنە تورەشىلەر 72,45 ۇپاي بەرسە, ديمانىڭ جاتتىعۋلارىن 68,73 ۇپايمەن باعالادى. سايىستىڭ قولا جۇلدەسى 62,11 ۇپاي جيناعان رەسەيلىك سەرگەي شيمبۋەۆكە بۇيىردى. دميتري رەيحەرد تە سوچي وليمپياداسىنىڭ فينالىندا ونەر كورسەتىپ, ءدۇبىرلى دودانى 5-ورىنمەن اياقتاعانىن ايتا كەتەيىك.
ەرلەر اراسىنداعى باسەكەگە بارلىعى 23 سپورتشى قاتىسسا, سونىڭ تورتەۋى قازاقستاندىق بولدى. ولاردىڭ ەكەۋىنىڭ ناتيجەسىن جوعارىدا ايتتىق. ال اندرەي لوگينوۆ ەسىمدى سپورتشىمىز (44,41 ۇپاي) 11-ءشى, كونستانتين گورلاچەۆ (20,66 ۇپاي) 19-ورىننان كورىندى.
بۇگىندە قورجىنىمىزدا بارلىعى 5 التىن جانە 5 كۇمىس مەدال بار. 3 التىن جانە 4 كۇمىس مەدالدى ۋنيۆەرسيادانىڭ سلوۆاكيادا وتكەن العاشقى بولىگىندە ولجالاعانىمىزدى ايتا كەتەيىك. ول جەردە سولتۇستىك سپورت تۇرلەرى جانە بياتلوننان سايىستار وتكەن بولاتىن.
جالپىكوماندالىق ەسەپتە ەكىنشى ورىندا كەلەمىز. كوش باسىندا رەسەي تۇر. ولاردىڭ قورجىنىندا 14 التىن, 13 كۇمىس جانە 15 قولا مەدال بار. ال 2 التىن جانە 2 كۇمىس مەدالى بار گەرمانيا ازىرگە ۇزدىك ۇشتىكتى تۇيىندەپ تۇر. ۋنيۆەرسيادا ويىندارى 14 اقپاندا مارەسىنە جەتەدى.
ەلامان قوڭىر.
دەرەك: egemen.kz.
سۋرەت: granada2015.org.
سوڭعى جاڭالىقتار
ايماقتار • كەشە
دارىگەرلەر ايەلدىڭ انالىق بەزىنەن 6 كگ ىسىكتى الىپ تاستادى
مەديتسينا • كەشە
