ءبىرىنشى كۋرس ستۋدەنتىنىڭ كۇنى:

قمەبي-ءدىڭ ىنتىماعى جاراسقان ورتاسىندا وتباسى مۇشەلەرىمەن بىرگە 2010 جىلعى 12 ماۋسىمدا ال­ماتى قالاسىندا, قمەبي اۋما­عىندا ءبىرىنشى كۋرس ستۋدەنتىنىڭ كۇنى – قابىلداۋ ەمتيحاندارىن ءساتتى تاپ­سىرعان ستۋدەنتتەر مەن ولاردىڭ اتا-انالارىنىڭ ينستيتۋت اكىمشى­لىگىمەن, وقىتۋشىلارىمەن جانە ستۋدەنت­تە­رىمەن كەزدەسۋى بو­لىپ ءوتتى. قوناقتار وزدەرىنىڭ بو­­لاشاق الما-ماتەرىمەن جاقىنى­راق تانىسۋعا, ستۋدەنتتىك ءومىردىڭ بارلىق قىر-سىرى تۋرالى بىلۋگە, سونىمەن قاتار بو­لا­شاق كۋرس­تاس­تارىمەن بىرگە جان­­عا جاي­لى ۋاقىت وتكىزۋگە مۇمكىندىك الدى. بۇل قازاقستانداعى وسىنداي سي­­پاتتاعى ءبىرىنشى ءىس-شارا. قمەبي-ءدىڭ ستۋدەنتتىك قالاشى­عىنىڭ اۋما­عىندا ينتەراكتيۆتى ويىندار, سپورت جا­رىس­تارى, ونەر فەستيۆالى جانە قازىنا ىزدەۋدىڭ قىزىقتى ساياحاتى وتكىزىلدى. باقى­تىمىزعا قاراي, اۋا رايى دا جاقسى بولدى. ستۋدەنتتەر وقىتۋشى­لار­مەن بيرەسمي جاعدايدا اڭگىمە­لەسىپ, ءدامدى بالمۇزداق جەپ, ساباق وتەتىن اۋديتوريالارمەن تا­نىستى. “بۇگىنگى كۇن ءبىزدى قاتتى قۋا­نىشقا كەنەلتتى, وتە كوڭىلدى بول­­دى, – دەدى قمەبي-ءدىڭ بو­لا­شاق ستۋدەنتى راۋ­شان, – مەن ناق وسىندا وقيتى­نىم­دى ماقتان ەتە­مىن. قازىر وقۋدىڭ باس­تالۋىن تاعات­سىزدانا كۇتىپ ءجۇرمىن”. ء“بىز جاڭادان وقۋعا تۇسكەن ستۋ­دەنتتەر وقۋ باستالعانعا دەيىن كۋرس­­تاستارىمەن تانىسىپ, جاڭا دوستار تاۋىپ, وقىپ جۇرگەن ستۋ­دەنتتەرمەن جانە وقىتۋشىلارمەن اڭگىمە-ءدۇ­كەن قۇرۋى ءۇشىن وسى كەزدەسۋدى ۇيىم­­داس­تىرىپ وتىرمىز, – دەدى قمەبي-ءدىڭ ستۋدەنت­تەردى قابىل­داۋ, تىركەۋ جانە ءبىتىرتىپ شىعارۋ جونىندەگى دەكانى لا­ريسا ساۆيتس­كايا, – بۇل وتكىزىلىپ وتىرعان ءىس-شارا وقۋ باس­تا­لار الدىنداعى ولار­­دىڭ قورقى­نىشىن سەيىل­تۋگە كومەك­تەستى دەپ ويلاي­مىن. ءبىز ءبا­رىنىڭ دە ءساتتى ءوت­كە­نىنە قۋانىش­تىمىز”. قمەبي اتا-انالاردى دا ۇمىت قالدىرماي, ولارعا تاياۋ جىلدار­دىڭ ىشىندە بالالا­رىنا جەتەكشىلىك جا­ساپ, ولار­دىڭ جوعارى بىلىكتى ما­مان بولىپ شىعۋىنا ات سا­لى­سا­تىن ادام­دارمەن اڭگى­مە­لەسۋ مۇمكىندىگىن بەردى. اتا-انالار ينس­تي­تۋت باس­شى­لى­عىمەن جانە فا­كۋل­تەت وكىل­دە­رىمەن­ كەزدەسۋ با­­رى­سىندا حالىق­ارا­لىق ىنتى­ماق­تاستىق, عىلىمي جۇ­مىستاردى كە­ڭەيتۋ جانە حالىق­ارالىق وقىتۋ­شىلار قۇرامىن تارتۋ سالالا­رىن­داعى قمەبي-ءدىڭ جەتىس­تىكتەرى مەن جوسپارلارى تۋرالى ەگجەي-تەگ­جەيلى بىلە الدى. “1998 جىلى مەن قمەبي-ءدىڭ ماگيستراتۋراسىن ءبىتىردىم. سودان بە­رى ءوزىمنىڭ العان اسەرلەرىم ءالى كۇن­گە دەيىن جادىمدا, وسى جىل­داردىڭ ءىشىن­دە ورشىمەسە, باسىلعان جوق. ەندى مە­نىڭ قىزىم وسى ينس­تي­تۋتقا تۇسەدى, – دەپ قوناقتاردىڭ ءبى­رى جانات تۇر­عى­نوۆا ءوزىنىڭ پىكى­رىمەن ءبولىستى, – جانە بۇگىنگى كۇن ءۇش­ىن ۇلكەن راحمەت ايتا­مىن. قمەبي-ءدىڭ وتكىزگەن كوپتەگەن شا­رالارىندا بولدىم, ونى ۇيىم­داس­­تى­رۋدىڭ ءوزى ۇلكەن اسەر قال­دى­رادى جانە ءبىلىم دەڭگەيى تولى­عى­مەن سايكەس كەلەتىنىن ءوز ءتاجىري­بەمنەن بىلەمىن”. سونىمەن قاتار ءبىرىنشى كۋرس ستۋدەنتىنىڭ كۇنى 26 ماۋسىم كۇنى اس­تانا مەن شىمكەنت قالالارىن­دا دا وتكىزىلمەك. بۇگىنگى تاڭدا قمەبي – وسىنداي تەكتەس كەزدە­سۋ­لەردى وتكىزىپ وتىرعان قازاق­ستان­داعى العاشقى جو­عارى وقۋ ورنى. “بۇل قمەبي-ءدىڭ – جاي ءبىلىم وشاعى عانا ەمەس, ونىڭ ءما­دەنيەت ەكە­نىن تاعى دا دالەلدەپ وتىر! ياعني, اشىق­تىلىققا, ايقىن­دىق­قا جانە تۇتاس­تىققا نەگىزدەلگەن ءما­دە­نيەت. ءبىزدىڭ ستۋدەنتتەرىمىز ءبىزدىڭ باس­تى باسىم­دىلىعىمىز بو­لىپ تا­بىلادى جانە بۇل ءبىزدىڭ اتقار­عان بار­لىق ءىسى­مىز­­دەن كورىنىس تاپ­قان”, – دەدى قمەبي پرەزيدەنتى, دوكتور چان يان بەنگ. گۇلزەينەپ سادىرقىزى.