فوتو: سالي سابيروۆ
بۇگىن جارىس جولىنا شىققان شورت-ترەكشىلەرىمىز ءار قاشىقتىقتا شيرەك, جارتىلاي فينالدارعا وتسە, شايبالى حوككەيدەن ەل قۇراماسى تايبەيدى ويسىراتا ۇتتى. 17: 0 ەسەبىمەن جەڭىس ۇپايى ءبىزدىڭ جىگىتتەردىڭ پايداسىنا جازىلدى.
سپورتتى دامىتۋ ديرەكتسياسىنىڭ حابارلاۋىنشا, العاش بولىپ شورت-ترەكشى الينا اجعاليەۆا 1500 مەترگە جارىسۋدان شيرەك فينالدا باق سىناعان. ول ءوز توبىندا ءۇشىنشى ورىن الىپ, جارتىلاي فينالعا جولداما الدى. الينانىڭ ۋاقىت كورسەتكىشى - 2:31.43 سەكۋند.
وتانداسىمىز ولگا تيحانوۆا دا ازيا ويىندارىن جەڭىسپەن باستادى. 1500 مەترگە جارىسۋدان شيرەك فينالدا ءوز توبىندا ءبىرىنشى ورىن الىپ, جارتىلاي فينالعا شىقتى. ايتا كەتەيىك, ولگا بۇگىنگى اشىلۋ سالتاناتىندا حوككەيشى ءادىل بەكەتاەۆپەن بىرگە قازاقستان تۋىن ۇستاپ شىعادى.
1500 قاشىقتا مادينا جانبۋسىنوۆانىڭ دا باعى جاندى. جارتىلاي فينال جولىندا 2:35.696 ۋاقىت كورسەتكىشىن تىركەدى.
وسى قاشىقتىقتا قازاقستان ەرلەر قۇراماسى دا جارتىلاي فينال جولداماسىنىن تىس قالمادى. گلەب يۆچەنكو 2:30.602 سەكۋند ۋاقىت كورسەتكىشىمەن, كەلەسى سىندا شەبەرلىگىن كورسەتۋگە مۇمكىندىك الدى.
قۇراما كوشباسشىلارىنىڭ بىرى دەنيس نيكيشا دا 1500 مەترگە جارىسۋدان 2:16,863 سەكۋند ۋاقىت كورسەتكىشىمەن جارتىلاي فينالعا ءوتتى.
500 مەترگە جارىسقان ايەلدەر, ەرلەر قۇراماسىنىڭ دا جۇلدەگە قول سوزۋ مۇمكىندىگى ساقتىلدى. بۇل قاشىقتىقتا شيرەك فينال 8 اقپانعا جوسپارلانعان.
1000 مەترگە جارىسۋدان ولگا تيحونوۆا (1:40,731) مەن ماليكا ەرمەك (1:35,228) ەندى شيرەك فينالدا ونەر كورسەتەدى.
وسى قاشىقتىقتار ەرلەر ساپىنان ەل نامىسىن قورعاعان ادىل عالياحمەتوۆ (1:29,468), ايبەك ناسەن (1:32,155) مەن گلەب يۆچەنكو (1:40,338) ىرىكتەۋ كەزەڭىندە ءساتتى ونەر كورسەتىپ, شيرەك فينالعا ءوتتى.
