نەسيە نارىعىنداعى نەگىزگى ۇردىستەر

«بۇل ۇسىنىس ازىرگە تالقىلانىپ جاتىر. قاشان قابىلداناتىنى دا بەلگىسىز. قارجى ۇيىمدارىنا مۇنداي شەشىم ۇناي قويماۋى مۇمكىن. بىراق بۇل ماسەلەنى رەتتەۋشى ورىندار باقىلاپ وتىرۋعا ءتيىس», دەيدى رۋسلان وماروۆ.

ونىڭ سوزىنشە, 2025 جىلعى 1 قاڭتارداعى جاعداي بويىنشا جالپى نەسيە پورتفەلىندەگى شاعىن نەسيە ۇيىمدارىنىڭ نەسيە ۇلەسى 36%-عا ازايىپ, 89,2 ملرد تەڭگەنى قۇرادى. بۇعان ۇلتتىق بانكتىڭ كەيبىر ويىنشىلاردىڭ ليتسەنزياسىن توقتاتا تۇرۋى نەمەسە ليتسەنزياسىن الىپ قويۋى ءتارىزدى قاتاڭ شارالارى اسەر ەتكەن. 2024 جىلدىڭ ءىى جارتىسىندا نارىقتا ميكرونەسيە ۇسىناتىن ويىنشىلار سانى 23%-عا ازايعان. كەي كومپانيالار ءبىر جىل ىشىندە ليتسەنزياسىنان ايىرىلعان, ال كەيبىرىن كومپانيا ءوزى قايتارىپ بەرگەن.

«بۇل – ۇلتتىق بانكتىڭ شاعىن نەسيەنى شەكتەۋ ساياساتىنىڭ ناتيجەسى. سەبەبى بۇل – ازاماتتار ءۇشىن قىمبات ءونىم ءتۇرى. بىراق رەتتەۋشى شاعىن نەسيەلەردى ازايتۋ ساياساتىن جۇرگىزىپ جاتىر», دەيدى ر.وماروۆ.

سونداي-اق ساراپشى وسى جىلدىڭ 1 قاڭتارىنا اتالعان ءونىم بويىنشا پورتفەل 89,2 ملرد تەڭگەنى قۇراعانىن, بۇل وتكەن جىلعى كورسەتكىشتەردەن 36%-عا از ەكەنىن اتاپ ءوتتى. كەلىسىمشارتتار سانى 1,2 ملن بىرلىككە دەيىن (-34%), قارىز الۋشىلار سانى بويىنشا 652,4 مىڭ ادامعا دەيىن (-20,9%) دەيىن تومەندەگەن.

يپوتەكالىق پورتفەل جىل باسىندا 6,7 ترلن تەڭگەگە (+14,1%) جەتتى. تۇرعىن ءۇي نەسيەسىن رەسىم­دەگەندەر سانى 600 مىڭ ادامعا دەيىن (+10,3%), كەلىسىم­شارت سانى 627,6 مىڭ بىرلىككە دەيىن (+ 9,9%) ءوستى. بۇل رەتتە قورجىننىڭ 60%-عا جۋىعى 2023–2024 جىلدارداعى جاڭا قارىزدارعا تيەسىلى.

بىلتىر اۆتونەسيە پورتفەلى 44,8%-عا, 3,6 ترلن تەڭگەگە دەيىن ءوستى, بۇل رەتتە 2023 جىلى قارقىن نە­عۇرلىم جوعارى بولدى (+ 64,8%). اۆتونەسيە العاندار سانى – 559,2 مىڭ ادام. ورتا ەسەپپەن تۇتى­نۋ­­­شىلار 8 ملن تەڭگەگە كولىك الادى. اۆتو­نە­سيە­نى ەڭ كوپ بەرەتىن – ەكىنشى دەڭگەيلى بانكتەر (70% – 1,2 ترلن تگ), ەكىنشى ورىندا – مقۇ (29,4% – 534 ملرد تەڭگە).

رۋسلان وماروۆتىڭ ايتۋىنشا, حالىق قارجى جاعىنان ساۋاتتى بولماسا, مەملەكەتتىك دەڭگەيدە قابىلدانعان شەشىمدەردىڭ ءوزى ناتيجە بەرمەيدى.

قارجىلىق ساۋاتتى نەسيە الۋمەن بايلانىس­تى­رۋ­دىڭ قاجەتى جوق. نەسيە دەگەنىمىز جاي عانا قارجى قۇرالى. نەسيە – قارجىسىن ۇيلەستىرە الاتىن ادامداردىڭ قولىنداعى جاقسى قۇرال. جۇكتەمەنى ەسەپتەپ, تاۋەكەلدەردى ولشەيتىن ادام نەسيەلەر ەسەبىنەن ميلليونداعان كىرىس تابا الادى», دەيدى ر.وماروۆ.

الماتى