اسكەري-وقىتىلعان رەزەرۆتى وقىتۋداعى جاڭا تاسىلدەرمەن جانە مۇمكىندىكتەرمەن تانىسقان قورعانىس ۆەدومستۆوسىنىڭ باسشىسى ستۋدەنتتەردىڭ جابدىقتالۋى مەن دايىندىق ساپاسىنا نازار اۋداردى.
«اسكەري كافەدرانى اسكەري بيلەت الاتىن ورىن رەتىندە عانا قابىلداۋعا بولمايدى. ءبىز بۇل تۇسىنىكتى تۇبەگەيلى وزگەرتىپ, كافەدرالاردىڭ بازاسىندا دايىندىق ورتالىقتارىن قۇرۋىمىز قاجەت. وندا بولاشاق سەرجانتتار مەن زاپاستاعى وفيتسەرلەر قارۋلى كۇشتەرگە قاجەتتى ناقتى ءبىلىم الىپ شىعۋى ءتيىس», دەپ اتاپ ءوتتى قورعانىس ءمينيسترى گەنەرال-پولكوۆنيك رۋسلان جاقسىلىقوۆ.
ول سونداي-اق اسكەري كافەدرالاردىڭ رەفورماسى قاۋىپ-قاتەردىڭ جاڭا تۇرلەرىنە دايىندالۋ قاجەتتىلىگىنەن, سونداي-اق سەنىمدى جانە كاسىبي دايىندالعان رەزەرۆتى قامتاماسىز ەتۋدەن تۋىنداعانىن اتاپ ءوتتى.
سونىمەن بىرگە قورعانىس مينيسترىنە روبوتوتەحنيكا جانە ۇشقىشسىز ۇشۋ اپپاراتتارى سالاسىنداعى ستۋدەنتتەردىڭ تەحنيكالىق ازىرلەمەلەرى كورسەتىلدى.
Astana IT University ورتالىعىنىڭ بالانسىندا 13 ۇشقىشسىز ۇشۋ اپپاراتى بار UAV تۇساۋكەسەرى ءوتتى. مينيستر جاستاردىڭ ترەناجەرلاردا پيلوتتىق جانە FPV-درونرەيسينگتى قامتيتىن جاڭا, زاماناۋي كيبەرسپورت تۇرلەرىنە كوپتەپ تارتىلعانىن, سونداي-اق ولاردىڭ ءوز دروندارىن جاساۋ مەن باعدارلامالىق قامتاماسىز ەتۋدى ازىرلەۋ بويىنشا عىلىمي جوبالارعا قاتىسقانىن اتاپ ءوتتى.
ول سونداي-اق ۋنيۆەرسيتەتتە جۇرگىزىلگەن جەلىلىك قورعانىس, دەرەكتەردى قاۋىپسىز بەرۋ جانە گەوكەڭىستىكتىك اقپاراتتى تالداۋ سالاسىنداعى كەشەندى زەرتتەۋلەر اسكەريلەر ءۇشىن قىزىعۋشىلىق تۋدىراتىنىن ايتتى.
ساپار سوڭىندا قورعانىس ءمينيسترى بىرقاتار مىندەتتەر قويدى. ونىڭ ىشىندە قازاقستان ارمياسى ءۇشىن كىشى ماماندار دايارلاۋ بويىنشا دا ناقتى تاپسىرمالار بار. ول وقۋ باعدارلامالارىن تۇزەتۋدى جانە ولاردى قارۋلى كۇشتەردىڭ تالاپتارى بويىنشا دايىنداۋدى تاپسىردى.
قازىرگى ۋاقىتتا Astana IT University اسكەري كافەدراسىنىڭ بازاسىندا كيبەرقاۋىپسىزدىك, گەواقپاراتتىق جۇيەلەر, توپوگرافيالىق جۇمىستار, اۋە شابۋىلىنا قارسى قورعانىس اسكەرلەرىن باسقارۋدى اۆتوماتتاندىرۋدى ۇيىمداستىرۋ جانە تاعى باسقا ماماندىقتار بويىنشا زاپاستاعى وفيتسەرلەر مەن سەرجانتتار باعدارلاماسى بويىنشا 524 ستۋدەنت دايارلانىپ جاتىر.
