فوتو: gov.kz
ەلىمىزدە ەلەكتر ەنەرگياسىن تۇتىنۋ كولەمى جىل وتكەن سايىن ارتىپ كەلەدى. جيىندا وسىعان بايلانىستى 2025–2031 جىلدارعا ارنالعان ەلەكتر ەنەرگياسىنىڭ بولجامدى تەڭگەرىمى سارالاندى.
ءوز كەزەگىندە ەنەرگەتيكا ءمينيسترى الماسادام ساتقاليەۆ ءبىرىنشى اتوم ەلەكتر ستانساسىنىڭ قۇرىلىسى بويىنشا الەۋەتتى جەتكىزۋشىلەرمەن جۇرگىزىلگەن كەلىسسوزدەر ناتيجەسىن باياندادى.
«اەس سالۋ ماسەلەسىندە ەلىمىز ءۇشىن بارىنشا ەكونوميكالىق تيىمدىلىكتى قامتاماسىز ەتۋ قاجەت. جەتكىزۋشىنى تاڭداۋدا ەل ىشىندەگى قۇندىلىقتى ارتتىرۋعا, ءوندىرىستى لوكاليزاتسيالاۋعا جانە تەحنولوگيا ترانسفەرتىنە ءمان بەرىلۋى ءتيىس», دەدى ولجاس بەكتەنوۆ.
ۇكىمەت سالانى العا سۇيرەيتىن مامانداردى ساپالى دايارلاۋعا دا ءمان بەرىپ وتىر. «قازاقستان اتوم ەلەكتر ستانتسيالارى» جشس باسشىسى تيمۋر جانتيكين, ۇلتتىق يادرولىق ورتالىعىنىڭ باسشىسى ەرلان باتىربەكوۆ, يادرولىق فيزيكا ينستيتۋتىنىڭ باسشىسى سايابەك ساحيەۆ وسى جانە وزگەدە ماڭىزدى تاقىرىپتار شەڭبەرىندە ساراپتامالىق ويىن ورتاعا سالدى.
