فوتو: Instagram/gulmir_ktk
الەۋمەتتىك جەلىدە تاراعان اقپاراتتارعا سايكەس, 9-سىنىپ وقۋشىسىن سىنىپتاستارى قوناەۆتاعى كوپىردىڭ استىندا ۇرىپ-سوققان, سوڭىنان ول جانساقتاۋ بولىمىنە تۇسكەن.
انىقتالعانداي, بالا اۋرۋحاناعا ءتۇستى, بىراق باسقا سەبەپپەن.
«31 قاڭتاردا كامەلەتكە تولماعان ۇلىم جەرگىلىكتى اۋرۋحاناعا جەتكىزىلدى. الايدا, ونى قالاعا كىرە بەرىستەگى كوپىردىڭ استىندا ەشكىم ۇرعان جوق», دەدى ايەل ءوزىنىڭ ۆيدەو ۇندەۋىندە.
قوناەۆ قالاسى اكىمدىگىنىڭ حابارلاۋىنشا, بالا انتيسەپتيكالىق ۋلانۋمەن اۋرۋحاناعا تۇسكەن. ونىڭ جاعدايى تۇراقتاندى. پوليتسيا سۋيتسيدكە يتەرمەلەۋ فاكتىسى بويىنشا قىلمىستىق ءىس قوزعادى.
«مەكتەپ اكىمشىلىگىنىڭ ايتۋىنشا, ءوز-وزىنە قول جۇمساماق بولعان وقۋشى وقۋ وزاتى جانە دوستارىنىڭ قۇرمەتىنە يە», دەپ قوستى قالا اكىمشىلىگى.
ايتا كەتەيىك, تەكسەرىس بارىسىندا قوناەۆتاعى كوپىر استىندا بىردە-ءبىر توپتىق توبەلەس تىركەلمەگەنى انىقتالدى.
