فوتو: استانا قالالىق سوتى
الماتى وبلىسى (قازىرگى جەتىسۋ وبلىسى) قاراتال اۋداندىق سوتى تۇرعىن ءۇيدى بۇرىنعى كۇيەۋىنىڭ اتىنا جەر تەلىمىمەن قالدىرىپ, بۇرىنعى ايەلىنە ءۇيدىڭ جارتى قۇنى – 940 مىڭ تەڭگەدەن استام سومانى تولەۋگە مىندەتتەگەن.
«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ فيليالى ءۇيدىڭ داۋلى جارتىسىن تالاپ قويۋشىنىڭ اتىنا تىركەۋدەن باس تارتقان, سودان كەيىن ول بۇل شەشىمگە كەلىسپەي, سوتقا شاعىمدانعان.
«سوت ءىستى قاراي كەلە, ءۇي مەن جەر تەلىمى بۇرىن ەرلى-زايىپتىلاردىڭ ورتاق مەنشىگى رەتىندە تىركەلگەندىكتەن, م ۇلىكتى تىركەۋدەن باس تارتقان مەملەكەتتىك ورگاننىڭ ارەكەتىن زاڭسىز دەپ تاپقان. تالاپ قويۋشى ۇسىنعان, ونىڭ بۇرىنعى ايەلىنە تيەسىلى م ۇلىكتىڭ ەكىنشى جارتىسىنا قۇقىعىن راستايتىن قۇجاتتار م ۇلىكتى ءبولۋ تۋرالى سوت شەشىمىنىڭ ورىندالعانىن كۋالاندىرادى», دەلىنگەن جوعارعى سوت حابارلاماسىندا.
سوت «ازاماتتارعا ارنالعان ۇكىمەت» مەملەكەتتىك كورپوراتسياسى فيليالىنا سوت اكتىسى زاڭدى كۇشىنە ەنگەن كۇننەن باستاپ ءبىر اي ىشىندە ءۇيدىڭ جارتىسىن مەملەكەتتىك تىركەۋدەن وتكىزۋدى مىندەتتەدى. ەندى مەملەكەتتiك ورگان وسى مiندەتتەمەنiڭ ورىندالعانى تۋرالى سوتقا حابارلاۋى ءتيىس.
سوت شەشىمى كورسەتىلگەن مەرزىمدە ورىندالماسا جاۋاپكەرگە 1 ايعا دەيىنگى ۋاقىت بەلگىلەپ, 50 اەك مولشەرىندە اقشالاي ايىپپۇل سالۋعا قۇقىلى.
قاۋلى زاڭدى كۇشىنە ەندى.
