«دوۋلا» – ەجەلگى گرەك تىلىندە قىزمەت كورسەتۋشى دەگەن ماعىنانى بىلدىرەدى. ەلىمىزدە سوڭعى ون شاقتى جىل كولەمىندە تەز تارالىپ, قارقىندى دامىپ كەلە جاتىرعان قىزمەت ءتۇرى. ناقتىراق ايتساق, بىلىكتى قىز-كەلىنشەكتەر تولعاعى جەتكەن جاس انالاردىڭ جانىنان تابىلىپ, جەڭىل بوساندىرۋدان باستاپ, ءسابيىن قىرقىنان ءساتتى شىعارۋعا دەيىنگى بارلىق ءجون-جورالعىسىن جاسايدى.
قازىر دوۋلا ورتالىقتارىنىڭ نارىقتاعى باعاسى 100 مىڭ تەڭگەدەن باستالادى.
بىراق دارىگەر ساۋلە يبراەۆا دوۋلا قىزمەتشىسىنىڭ دارىگەرلىك قۇقىعى جوق ەكەندىگىن ۇمىتپاۋعا شاقىرادى.
«دوۋلا جۇكتى ايەلدەردىڭ تولعاق كەزىندەگى سەرىكتەسى. قازىر مۇنداي قىزمەت ءتۇرى بەلەڭ الىپ كەلەدى. ول مەديتسينالىق قىزمەتكەر بولماعاندىقتان تولعاق نەمەسە بوسانۋ كەزىندە پاتسيەنتكە قانداي دا ءبىر نۇسقاۋلىقتار بەرە المايدى. دياگنوز قويا المايدى. ول تەك انا مەن بالانىڭ كومەكشىسى. دەگەنمەن دە دارىگەر رەتىندە ايتار كەڭەسىم, بوسانۋ كەزىندە ايەل ادامنىڭ جانىندا جاقىن ادامى بولعانى دۇرىس», دەيدى ول.
