ولار 10-15 كم بيىكتىكتە ءومىر سۇرۋگە بەيىمدەلگەن جانە ۋلتراكۇلگىن ساۋلەلەرگە ءتوزىمدى. بۇل تىرشىلىك يەلەرىنىڭ اۋا رايىنا اسەر ەتىپ, بۇلتتاردىڭ قالىپتاسۋىندا ماڭىزدى ءرول اتقاراتىنى انىقتالدى. زەرتتەۋ ناتيجەلەرى كليماتتىق وزگەرىستەردى بولجاۋ جانە اتموسفەرانى زەرتتەۋدىڭ جاڭا ادىستەرىن جاساۋعا كومەكتەسۋى مۇمكىن.
جاساندى جۇرەك
فرانتسۋز عالىمدارى تولىقتاي جاساندى جۇرەك جاساپ شىعاردى.
بۇل قۇرىلعى تابيعي جۇرەك سياقتى قان اينالىمىن ۇزدىكسىز قامتاماسىز ەتىپ, جۇرەك جەتكىلىكسىزدىگىنە شالدىققان ناۋقاستارعا جاڭا مۇمكىندىك سىيلايدى. وسىناۋ عىلىمي جەتىستىك اۋىر جۇرەك اۋرۋلارى بار ادامداردىڭ عۇمىر جاسىن ەداۋىر ارتتىرىپ قانا قويماي, ولاردىڭ ءومىر ءسۇرۋ ساپاسىن جاقسارتۋعا دا كومەكتەسەدى.
روبوتتارعا ارنالعان وقۋ ورتالىعى
قىتايدا گۋمانويد روبوتتاردى وقىتۋعا ارنالعان الەمدەگى ەڭ ءىرى ورتالىق اشىلدى.
ءبىر ۋاقىتتا 100 روبوتتى وقىتا الاتىن ورتالىق 2027 جىلعا قاراي بۇل ساندى 1000-عا جەتكىزۋدى جوسپارلاپ وتىر. ونىڭ نەگىزگى ماقساتى – روبوتتاردىڭ ينتەللەكتۋالدىق جانە فيزيكالىق مۇمكىندىكتەرىن دامىتىپ, ولاردى ءتۇرلى سالالاردا قولدانۋعا بەيىمدەۋ. ورتالىق 2025 جىلدىڭ سوڭىنا دەيىن روبوتتاردىڭ فيزيكالىق پارامەترلەرى بويىنشا 10 ميلليون جوعارى ساپالى دەرەك جيناۋدى جوسپارلاپ وتىر.
دايىنداعان –
ەرلان كيىكباي,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى
