ساتباەۆ قالاسىنىڭ اكىمى مۇرات بورىباەۆتىڭ باستاماسىمەن قالادا «ەڭبەككە – قۇرمەت!» اكتسياسى باستالدى. اكتسيا ءتۇرلى فورماتتا وتكىزىلەدى دەپ جوسپارلانىپ وتىر. بىراق ەڭ باستىسى, جۇمىسكەرلەرگە, ولاردىڭ قالتقىسىز قىزمەتتەرىنە دەگەن شىنايى سۇيىسپەنشىلىكتى قالىپتاستىرۋدى كوزدەيدى.
اكىم باستاماسىن العاشقى بولىپ قولداعان قالالىق جاستار رەسۋرستىق ورتالىعى كوشەلەردەگى قار تازالاۋشىلارعا ىستىق اس, شاي ازىرلەپ, جۇمىس ورىندارىنا اپارىپ بەردى. جاستاردى قالا اكىمىنىڭ ءوزى باستاپ باردى.
– ءبىز وسىنداي بولماشى ءىلتيپاتىمىز ارقىلى وزدەرىڭىزگە دەگەن قالىڭ بۇقارانىڭ قۇرمەتىن, ريزاشىلىعىن جەتكىزگىمىز كەلدى. سىزدەر ۋاقىتپەن ساناسپاي, قالا تازالىعى ءۇشىن تەر توگىپ ءجۇرسىز-دەر. بۇل قىزمەتتەرىڭىز قانداي دا بولسىن ماقتاۋ, ماراپاتقا لايىق, – دەگەن قالا باسشىسى ەڭبەك ادامدارىنا قاتىستى ءتۇرلى دەڭگەيدەگى ىنتالاندىرۋ, ىقىلاس شارالارى ۇزدىكسىز كورسەتىلە بەرەتىنىن جەتكىزدى. اكتسيا جىل بويىنا جالعاسادى.
ۇلىتاۋ وبلىسى,
ساتباەۆ قالاسى
