دەپۋتات پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارينگە جولداعان ساۋالىندا 2024 جىلعى 21 قاراشادا مەملەكەت باسشىسى «سوت جۇيەسىن رەفورمالاۋ جانە ءىس جۇرگىزۋ زاڭناماسىن جەتىلدىرۋ تۋرالى» زاڭعا قول قويىپ, سونىمەن قاتار اكىمشىلىك راسىمدىك-پروتسەستىك كودەكسكە تۇزەتۋلەر ەنگىزگەنىن ەسكە سالىپ ءوتتى.
ول مەملەكەتتىك ورگاندار مەن تابيعي مونوپوليالار سۋبەكتىلەرى اراسىنداعى ۇيلەستىرۋدىڭ بولماۋى سوتتىق داۋعا اكەلەتىنىن جانە بۇل ءۇشىن تۇتىنۋشىلار زارداپ شەگەتىنىن اتاپ ءوتتى.
دەپۋتات تاريفتىك ساياساتتاعى بيۋروكراتيالىق كەلىسپەۋشىلىكتەر ناتيجەسىندە مىڭداعان قازاقستاندىقتار گاز ءۇشىن جوعارى تاريفتەر بويىنشا تولەۋگە ءماجبۇر ەكەنىن اتاپ ءوتتى. سونداي-اق, ول ەنەرگەتيكا جانە ۇلتتىق ەكونوميكا مينيسترلىكتەرىنىڭ نورماتيۆتىك اكتىلەرى ءبىر-بىرىنە قايشى كەلەتىنىن, گاز جابدىقتارىن قوسۋ جانە پايدالانۋ تالاپتارىندا «حاوس» تۋدىراتىنىن اتاپ ءوتتى.
دەپۋتات ءوز ساۋالىندا ازاماتتاردىڭ مۇددەلەرىن قوزعايتىن جاڭا داۋلاردى بولدىرماۋ ءۇشىن زاڭنامانى بىرىزدەندىرۋدى, قۇقىقتىق قايشىلىقتاردى جويۋدى جانە مەملەكەتتىك ورگانداردىڭ ناقتى ءوزارا ءىس-قيمىلىن قامتاماسىز ەتۋدى تالاپ ەتتى.
ايتا كەتەيىك, كۇنى كەشە عانا مەملەكەت باسشىسى ۇكىمەتتىڭ كەڭەيتىلگەن وتىرىسىندا مەملەكەتتىك اپپاراتتىڭ باستى مىندەتى – ازاماتتاردىڭ وزەكتى ماسەلەلەرىن شەشۋ ەكەنىن باسا ايتقان ەدى.
