وتانىمىزدىڭ باقىتتى بولاشاعى تەك بىرلىكتە.
* * *
وتانى ءبىردىڭ – تىلەگى ءبىر, جۇرەگى ءبىر.
* * *
كوپۇلتتى ەل بولۋىمىز – ءبىزدىڭ بايلىعىمىز, ماقتانىشىمىز.
* * *
قازاقستان – بۇل ورتاق جەر, ءبىرتۇتاس حالىق جانە ورتاق كەلەشەك.
* * *
اسسامبلەيا – ەلىمىزدەگى بىرلىك پەن كەلىسىمنىڭ كيەلى بەسىگى, تۇتاستىق پەن تۇراقتىلىقتىڭ قۇتتى شاڭىراعى.
* * *
ۇلتارالىق تاتۋلىق پەن كەلىسىم كوكتەن تۇسكەن بىردەڭە ەمەس. ول مەملەكەت پەن بارشامىزدىڭ كۇندەلىكتى ساياساتىمىز بەن پراكتيكامىزدىڭ ناتيجەسى.
* * *
ۇلتارالىق تاتۋلىق پەن كەلىسىم – قازاقستاندىق ۇلتتىق يدەيانىڭ باستى وزەگى.
* * *
ۇلتتار اراسىنداعى سەنىم مەن بىرلىك – ءادىل الەمدىك ءتارتىپتىڭ نەگىزى.
* * *
تاتۋلىق پەن كەلىسىم – ەلىمىزدىڭ تابىستى دامۋىنىڭ بازالىق فاكتورى.
* * *
ءبىزدىڭ باستى بايلىعىمىز – حالىقتار مەن دىندەر اراسىنداعى تاتۋلىق پەن كەلىسىم.
* * *
قازاقستان حالقى ءبىرتۇتاس, بىرلىگى مىزعىماس كەمەل ەلگە اينالدى.
* * *
قازاقستان – كوپۇلتتى مەملەكەت. مادەني تۇرعىدان العاندا مۇنىڭ ءوزى دەموكراتيالىق مەملەكەتتىڭ الدىنا قاتاڭ تالاپتار تارتادى دەگەن ءسوز.
* * *
ءبىز تىنىشتىق ارقىلى – تۇراقتىلىققا, تاتۋلىق ارقىلى – تۇتاستىققا قول جەتكىزدىك.
* * *
قازاقتىڭ ەرتەڭىن, ءوزىنىڭ, بالا-شاعاسىنىڭ ەرتەڭىن ويلاعان ادام الدىمەن وسى ەلدەگى تىنىشتىقتى ويلاۋى كەرەك.
* * *
ۇلتارالىق جانە كونفەسسياارالىق قارىم-قاتىناستاردىڭ ساياساتتانۋىنا جول بەرمەگەنىمىز – ءبىزدىڭ ماڭىزدى جەتىستىگىمىز.
* * *
حالىق بىرلىگى دەگەنىمىز, بۇل ەڭ الدىمەن مەملەكەتتىك ينستيتۋتتاردىڭ بىرلىگى.
* * *
ءبىزدىڭ ەڭ باستى بايلىعىمىز – بەرەكەلى بىرلىگىمىز.
* * *
مەن اۋىزبىرشىلىكتەن اينىمايتىن اقجۇرەك جۇرتىمنىڭ قۋاتتى ۇلتقا, شۋاقتى ۇلىسقا اينالۋىنا كامىل سەنەمىن.
* * *
ىرىس – ىنتىماققا جولىعادى, داۋلەت – بىرلىكپەن تولىعادى.
* * *
قازاق حالقىنىڭ ىنتىماعى مەن بىرلىگى بولمايىنشا, مەملەكەتىمىزدىڭ تۇتاستىق كەلبەتىن ساقتاۋ مۇمكىن ەمەس.
* * *
ەل بىرلىگى – ەڭ اسىل قاسيەت.
* * *
بىرلىك – ءبىزدىڭ قاسيەتتى تۋىمىز.
* * *
ۇدەۋدىڭ سىرى – بىرلىكتە, جۇدەۋدىڭ سىرى – الاۋىزدىقتا.
* * *
بىرلىگى جاقسىنىڭ تىرلىگى تاپشى بولمايدى.
* * *
باق تا, تاق تا تالاسقانعا بۇيىرمايدى, حالىقتىق ىستە جاراسقانعا بۇيىرادى.
* * *
ءبىزدىڭ بابالارىمىز ءتىرى بولۋى ءۇشىن ءبىر بولعان, ءبىز ءىرى بولۋ ءۇشىن ءبىر بولۋىمىز كەرەك.
* * *
تەك بىرلەسىپ قانا, بۇكىل حالىقتىڭ كۇش-جىگەرىن بىرىكتىرىپ قانا ءبىز العا باسا الامىز.
* * *
بىرلىگى بەرەكەلى, تىرلىگى مەرەكەلى, ىنتىماعى جاراسقان ەلدىڭ عانا ىرىسى مەن تابىسى مول بولماق.
* * *
تۇراقتىلىقسىز بارشانىڭ باقۋاتتى بولماسىن حالقىمىز جاقسى تۇسىنەدى. ءبىزدىڭ حالىقتىڭ كەمەل دانالىعى دا وسىندا.
* * *
ادام مەن ادامدى, حالىق پەن حالىقتى, ەل مەن ەلدى جاقىنداستىرار ەڭ بەرىك دانەكەر – مۇددە بىرلىگى.
* * *
اۋىزبىرشىلىك جوق جەردە ەشقاشان دا ۇلتتىق يدەيالار جۇزەگە اسقان ەمەس.
* * *
بابالارىمىز وزگەلەردىڭ تورىنە شىعۋ ءۇشىن ءوزى دە مەيماندارىنا قاق تورىنەن ورىن بەرىپ, قۇرمەت كورسەتكەن.
* * *
ەڭسەسى بيىك ەلدىككە ەسى كەتكەن عانا توپىراق شاشادى.
* * *
ءوز حالقىن سۇيەتىن ادام, ءوز جۇرتىنا جاقسىلىق تىلەگەن كىسى وزگە حالىقتاردى اشىندىرمايدى, ءوز ۇلتىن ەشكىمگە قارسى قويمايدى.
* * *
قازاقستانداعى ۇلتارالىق جاراستىقتىڭ نەگىزگى ۇيىتقىسى بولۋ مىندەتىن الدىمەن وسى اتامەكەننىڭ يەسى – قازاق حالقى ءوز موينىنا الۋى كەرەك.
* * *
دۇنيەدە ءوزارا سەنىم مەن ىنتىماقتاستىق نەگىزىندە شەشۋگە بولمايتىن پروبلەمالار جوق ەكەنىنە سەنىمدىمىن. مۇنى ۇعىنۋ ءۇمىت ۇيالاتىپ, بولاشاققا دەگەن سەنىمدى نىعايتادى.
* * *
ءبىز كەلىسىم ساياساتى مەن پاراساتتى ۇلتتىق ستراتەگياسىز ەشقانداي مىندەتتەردى شەشە المايمىز.
* * *
جاڭا قوعامعا ءوتۋدىڭ, قۋاتتى مەملەكەت قۇرۋدىڭ نەگىزگى تەتىگى – ساياسي تۇراقتىلىق.
* * *
كىممەن دوس بولۋ, كىممەن جاقىنداسۋ, كىمنەن ءوزىڭدى الىسىراق ۇستاۋ – ۇلتتى ساقتاۋدىڭ ءبىر كەپىلى.
* * *
تۇراقتىلىق – ساياسي ماسەلەلەردى شەشۋدىڭ كۇشكە نەگىزدەلمەگەن ءتاسىلدەرىنە كوبىرەك سۇيەنگەندە عانا ساقتالماق.
* * *
تولەرانتتىلىق بولمايىنشا جاھاندىق سەنىم دە بولمايدى.
* * *
...ەتنوپوپۋليزم – دەموكراتيالىق قوعامنىڭ دەنەسىنە شىققان «بەزەۋ» ەمەس. ول – دەرت. ونىمەن ۇدايى كۇرەسپەي بولمايدى. ول جاعدايعا بايلانىستى تەز وزگەرىپ تۇرادى. قوعامدى ودان ءارى جەتىلدىرگەنىمىزدە دە قىر سوڭىمىزدان قالمايدى. مۇنداي كەساپاتپەن اكىمگەرشىلىك جولمەن دە, يدەولوگيالىق جولمەن دە كۇرەسىپ, كوپ ەشتەڭە بىتىرە المايسىڭ. ونىمەن كۇرەستىڭ جالعىز جولى – ادام ماتەريالىنىڭ ساپاسىن جاقسارتۋعا كۇش سالۋ.
* * *
جالپىۇلتتىق يدەيانى ومىرشەڭ ەتەتىن – ەلدىڭ بىرلىگى. اۋىزبىرشىلىك قاشقان, الاۋىزدىق تاسقان جەردە ەشقاشان دا جالپىۇلتتىق يدەيالار جۇزەگە اسقان ەمەس. قازاقستاننىڭ شىققان شىڭى مەن باعىندىرعان بيىكتەرىنىڭ ەڭ باستى سەبەبى – بىرلىك, بەرەكەسى.
* * *
ءبىزدىڭ كەيىنگى ۇرپاققا اماناتتار ەڭ باستى بايلىعىمىز – ەل بىرلىگى بولۋى كەرەك. وسىناۋ جالپىۇلتتىق قۇندىلىقتى ءبىز ءاربىر جاستىڭ بويىنا سىڭىرە بىلۋگە ءتيىسپىز.
* * *
ەلدىڭ تۇتاستىعى مەن بىرلىگى, تاتۋلىعى مەن تىنىشتىعى ەڭ باستى نازاردا. ەل بىرلىگى – ءبىزدىڭ بارشا تابىستارىمىزدىڭ كىلتى. تۇراقتى دامۋدىڭ قازاقستاندىق مودەلى بۇگىندە بۇكىل الەمگە ۇلگى.
