ققس مولشەرلەمەسىن ارتتىرۋ – قاجەتتى شارا

مەملەكەتتىك قارجىنى نى­عايتۋ جانە بيۋدجەتتى تۇراق­تان­­دىرۋ ءۇشىن ۇسىنىلعان قۇرال­دار­دىڭ ءبىرى – قوسىلعان قۇن سالى­عىنىڭ (ققس) مولشەرىن قازىر­گى 12%-دان 20%-عا دەيىن ارت­تىرۋ. ەلىمىزدە كەيىنگى ەكى ون­جىل­دىقتا ققس مولشەرلەمەسى ايتار­لىقتاي وزگەرگەن جوق جانە 12% دەڭگەيىندە قالدى. كوپ­تە­گەن ەلدە بۇل كورسەتكىش 15-20%-دى قۇرايدى, بۇل ءبىزدىڭ ەلىمىزدەگى قازىرگى كورسەتكىشتى ەڭ تومەنگى كورسەتكىشتەردىڭ بىرىنە اينالدىرادى. بۇل شارا بىرقاتار وڭ ناتيجەگە اكەلەدى:

بىرىنشىدەن, سالىق تۇسىمدەرى ارتادى. ققس مولشەرلەمەسىن كوتەرۋ بيۋدجەت كىرىسىن 5-7 ترلن تەڭگەگە دەيىن ۇلعايتادى جانە بۇعان دەيىن بىرنەشە رەت تالقىلانعان ۇلتتىق قوردان ترانسفەرتتەردى توقتاتۋعا مۇمكىندىك بەرەدى.

ەكىنشىدەن, سالىقتىق قامتۋ ۇلعايادى. ققس تولەۋشىلەردى تىر­كەۋ شەگىن تومەندەتۋ جوسپارلانىپ وتىر, بۇل شاعىن جانە ورتا بيزنەستى كوبىرەك تارتادى, سالىق تۇسىمدەرىن ارتتىرادى.

ۇشىنشىدەن, ققس ۇلعايۋىمەن قاتار ەڭبەكاقى قورىنا سالىق جۇك­تەمەسىن ازايتۋ قاراس­تى­رىل­عان. بۇل بيزنەسكە قارجىلىق جۇك­تەمەنى جەڭىلدەتۋگە جانە جالا­قىنىڭ اشىقتىعىن ىنتالان­دى­رۋعا ءتيىس.

ققس مولشەرلەمەسى – قازاقستان رەسپۋبليكاسىنىڭ اۋما­عىندا تاۋارلاردى ساتۋ, جۇمىستاردى ورىنداۋ, قىز­مەت­تەردى كورسەتۋ سياقتى وپەراتسيا­لاردى جۇزەگە اسىرۋ كەزىندە الىناتىن جاناما سالىق. ساي­كەسىنشە, نەگىزگى جۇك تۇپكى تۇ­تى­نۋشىلارعا تۇسەدى. دەگەنمەن بۇل كەلەڭسىز سالدارلار قىسقا مەرزىمدە بولعانىمەن, كەشەندى جۇمىس جۇرگىزگەندە ولاردى ازايتۋعا بولادى دەپ كۇتىلىپ وتىر. ول ءۇشىن جاڭا سالىق رەجىمىنە بەيىمدەلۋدىڭ ناقتى شارالارىن ويلاستىرۋ قاجەت.

سالىق رەفورماسىن تالقىلاۋ بىرنەشە جىلدان بەرى جالعاسىپ كەلەدى. 2024 جىلى وتكەن ۇكىمەتتىڭ كەڭەيتىلگەن وتىرىسىندا پرەزي­دەنت «ققس-نى 12-دەن 16%-عا دەيىن كوتەرۋ – تۇپكىلىكتى شەشىم ەمەس, قازاقستاندا مۇلدەم باسقا سيپاتقا يە بولعان ققس-نىڭ ءوزىن دە رەفورمالاۋ قاجەت» دەگەن ەدى. قالاي بولعاندا دا, ازىرگە ناقتى شەشىم جوق, تالقىلاۋلار جال­عاسىپ جاتىر. مەملەكەت باسشىسى ايتقانداي, قاتەلەسۋگە قۇقى­مىز جوق.

اسەل ابەن,

پرەزيدەنت جانىنداعى قسزي ەكونوميكالىق ساياساتتى تالداۋ ءبولىمىنىڭ باس
ساراپشىسى