فوتو: depositphotos.com
بيىلعى جىلدىڭ 11 قاڭتارىنان باستاپ موپەد يەلەرى تىركەۋ راسىمىنەن جەڭىلدەتىلگەن تارتىپپەن وتە الادى. ءوز كەزەگىندە قر ىشكى ىستەر مينيسترلىگى قاجەتتى قۇجاتتاردىڭ تىزبەسىن ازىرلەگەن. موپەدتىڭ جاقتاۋىندا سايكەستەندىرۋ ءنومىرى بولماسا دا تىركەۋگە رۇقسات ەتىلەدى. ەلىمىزدەگى العاشقى تىركەلگەن ەكى دوڭگەلەكتى كولىك وتكەن اپتادا الماتىدا تەحنيكالىق پاسپورت پەن مەملەكەتتىك تىركەۋ ءنومىرىن الدى.
قازىردىڭ وزىندە قالادا 60 موپەد رەسمي تىركەۋدەن وتكەن. پوليتسيا موپەد يەلەرىنە ارنالعان اقپاراتتىق جادىنامالار مەن قۇجاتتار ءتىزىمى كورسەتىلگەن كىتاپشالاردى تاراتۋدا. ماتەريالدار ترانسپورت يەلەرى كوپ جينالاتىن جەرلەردە, سونداي-اق بۇقارالىق اقپارات قۇرالدارى مەن الەۋمەتتىك جەلىلەر ارقىلى قول جەتىمدى.
2025 جىلدىڭ 5 ساۋىرىندە كۇشىنە ەنەتىن جاڭا زاڭنامالىق تۇزەتۋلەرگە سايكەس, موپەدتەر مەحانيكالىق اۆتوكولىكتەرگە تەڭەستىرىلەدى. مۇنداي كولىكتى پايدالانۋعا پوليتسيادا تىركەۋدەن وتكەن جاعدايدا عانا رۇقسات ەتىلەدى. سونىمەن قاتار, موپەد يەلەرى ا1 ساناتىنداعى جۇرگىزۋشى كۋالىگىن الۋى ءتيىس.
ايدىن مەركىمباەۆتىڭ ايتۋىنشا, تىركەۋ ەكساۋماقتىق قاعيداتى بويىنشا جۇزەگە اسىرىلادى جانە بارشا موپەد يەلەرىنە وسى ءراسىمدى جەڭىلدەتەدى.
وسى ورايدا الماتى پوليتسياسى زاڭ تالاپتارىن ساقتاۋدىڭ ماڭىزدىلىعىن ەسكە سالا وتىرىپ, جۇرگىزۋشىلەردى الداعى ۋاقىتتا قۇقىق بۇزۋشىلىقتارعا جول بەرمەۋ ءۇشىن تىركەۋ راسىمىنەن دەر كەزىندە وتۋگە ۇندەپ جاتىر.
الماتى
