فوتو: gov.kz
پرەزيدەنت تەز ارادا باتىل شەشىمدەر قابىلداۋ قاجەت ەكەنىن اتاپ ءوتتى.
«الدىمىزدا جۇك جانە جولاۋشىلار تەرمينالدارى, لوگيستيكالىق ورتالىقتارى جانە زاماناۋي سەرۆيستەرى بار تولىققاندى ەكوجۇيە قۇرۋ مىندەتى تۇر. جۇك تاسىمالىنىڭ بارلىق ءراسىمىن جەڭىلدەتىپ, اۆياوتىنعا قولجەتىمدى باعا قويۋ كەرەك. كەيىنگى ماسەلە وتە وزەكتى. ويتكەنى ءبىزدىڭ اۋەجايلارداعى, اتاپ ايتقاندا, استانا اۋەجايىنداعى اۆياكەروسيننىڭ باعاسى تىم قىمبات. ۇكىمەت باسەكەلەستىكتى قورعاۋ ۆەدومستۆوسىمەن بىرگە اتالعان مىندەتتى العاشقى جارتىجىلدىقتا ورىنداۋى كەرەك», دەدى مەملەكەت باسشىسى.
ايتا كەتەيىك, كازىر الەمدە اۋەمەن جۇك تاسىمالداۋ نارىعى 140 ميلليارد دوللارعا باعالانىپ وتىر. بۇل – وراسان زور مۇمكىندىك. مەملەكەت باسشىسىنىڭ ايتۋىنشا, بىردە-ءبىر وتاندىق اۆياكومپانيا اتالعان سالادا تولىق جۇمىس ىستەمەيدى.
