«ترانزيت – جۇك تاسىمالىنا قاتىستى حالىقارالىق باسەكەدەگى ءبىزدىڭ وراسان زور ارتىقشىلىعىمىز. مۇنى تولىقتاي ءارى ءتيىمدى پايدالانۋىمىز كەرەك. قازاقستان ارقىلى وتەتىن تەمىر جول ءدالىزىن دامىتۋ جۇمىسىن تەزدەتۋ قاجەت. بۇل جوبا ترانسكاسپي باعدارىنىڭ نەگىزگى بولىگى بولماق. وسى باعىتتاعى ماڭىزدى جوبالاردىڭ ءبىرازى قازىر جۇزەگە اسىرىلىپ جاتىر. الدىن الا قامدانىپ, جۇمىستى توقتاتپاي, جالعاستىرا بەرۋ كەرەك», دەدى پرەزيدەنت.
سونىمەن قاتار مەملەكەت باسشىسى «مويىنتى – قىزىلجار» باعىتىندا جاڭا تەمىر جول قۇرىلىسىن باستاۋدى تاپسىردى.
«قىزىلجار بەكەتىنەن اقتاۋ پورتىنا دەيىنگى كۇرە جولدىڭ قوزعالىسى اسا كوپ ۋچاسكەلەرىن جاڭعىرتۋ كەرەك. التىنكول – جەتىگەن» تەمىر جولىن دا كەڭەيتۋ قاجەت. بۇل قىتاي مەن ورتالىق ازيا اراسىنداعى كولىك ءدالىزىنىڭ الەۋەتىن ەداۋىر ارتتىرادى. بۇدان بولەك, تەمىر جول تاسىمالىن تسيفرلاندىرۋ جوبالارىن ۋاقتىلى اياقتاۋ ماڭىزدى. مۋلتيمودالدى كولىك توراپتارىن دامىتۋعا باسا ءمان بەرگەن ءجون. سول ارقىلى تاسىمالدىڭ بارلىق ءتۇرىن ءوزارا كىرىكتىرۋگە مۇمكىندىك تۋادى. بيىل جانە كەلەسى جىلى وسى باعىتتا اۋقىمدى جۇمىستار اتقارىلۋعا ءتيىس», دەدى ەل پرەزيدەنتى.
