فوتو: اقوردا
پرەزيدەنتتىڭ ايتۋىنشا, ءبىزدىڭ قوعامدا رەسۋرستاردى ۇنەمدەپ پايدالانۋ مادەنيەتىن قالىپتاستىرۋ ماڭىزدى ەكەنىن تالاي جىلدان بەرى ايتىلىپ كەلەدى. بىراق ازاماتتارعا ۇندەۋ تاستاۋ جەتكىلىكسىز. بۇدان بولەك, رەسۋرستاردى تۇتىنۋدىڭ الەۋمەتتىك نورمالارىن ەنگىزۋ قاجەت.
«ۇلگى ەتۋگە بولاتىن جاقسى مىسالدار بار. مىسالى, ءدال وسىنداي ۇستانىم اي سايىن سۋدى سەگىز پايىزعا جۋىق ۇنەمدەۋگە مۇمكىندىك بەردى. بۇل – اسا ماڭىزدى. سەبەبى قازاقستاندا عانا ەمەس, بۇكىل ورتالىق ازيادا سۋ تاپشىلىعى كۇشەيىپ تۇر. سوندىقتان سۋدى ۇنەمدەيتىن تەحنولوگيالاردى پايدالانۋ ماسەلەسى وتە وزەكتى. كورشى قىتاي ەلىندە الەمدىك دەڭگەيدەگى وزىق تەحنولوگيالار بار, ولار تاجىريبەسىن بولىسۋگە دايىن. بىراق ءبىزدىڭ جاق – ق ۇلىقسىز, ونىڭ ۇستىنە باتىل شەشىمدەر جوق», دەدى قاسىم-جومارت توقاەۆ.
مەملەكەت باسشىسى ۇكىمەتكە وسى شارۋامەن بەلسەندى اينالىسىپ, 1 ماۋسىمعا قاراي جۇمىس بارىسى تۋرالى ەسەپ بەرۋدى تاپسىردى.
