الەۋمەتتىك جەلىدە اياۋسىز سوققىعا جىعىلعان قىزدىڭ ۆيدەوسى تارادى. ۆيدەونى توبەلەستى باستاعان قىزدىڭ ءوزى جاريالاپ جىبەرگەن. پاۆلودار پوليتسياسىنىڭ مالىمەتىنشە, قىزداردىڭ كىم ەكەنى انىقتالعان. قىلمىستىق ءىس قوزعالدى.
ۆيدەودان قىزداردىڭ ءبىرى ديۆاندا وتىرعان ءجاسوسپىرىم قىزدى ۇرىپ, ارتىنشا جەرگە قۇلاتىپ, ۇرۋىن جالعاستىرعانىن بايقاۋعا بولادى.
پوليتسيا مالىمەتىنشە, كۇدىكتى – كامەلەتكە تولماعان قىز. ونىڭ اتا-اناسى بالانى تاربيەلەۋدەگى ءوز مىندەتتەرىن دۇرىس ورىنداماعانى ءۇشىن جاۋاپكەرشىلىككە تارتىلدى.
- ءجاسوسپىرىم پروفيلاكتيكالىق باقىلاۋعا الىندى. بۇل تۋرالى پاۆلودار قالاسى اكىمدىگى جانىنداعى كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ كوميسسياسىنىڭ قاراۋىنا ەنگىزىلدى, دەپ حابارلادى پوليتسەيلەر.
ساۋلە شاكەنوۆانىڭ سوزىنشە, باستى كۇدىكتى – 16 جاستاعى ستۋدەنت قىز. جابىرلەنۋشى قىز 19 جاستا. بۇل وقيعاعا قاتىستى قىلمىستىق ءىس قوزعالدى. زاڭ بويىنشا مۇنداي ارەكەتتەرگە 80 ايلىق ەسەپتiك كورسەتكiشكە (314 مىڭ تەڭگە) دەيiنگi مولشەردە ايىپپۇل, نە سول مولشەردە تۇزەۋ جۇمىستارى, نە سەكسەن ساعاتقا دەيiنگi مەرزiمگە قوعامدىق جۇمىستارعا تارتۋ, نە جيىرما بەس تاۋلiككە دەيiنگi مەرزiمگە قاماۋعا الۋ تۇرىندەگى جازا قاراستىرىلادى.
