فوتو: instagram.com/kanalimov
ول وزىنە سەنىم بىلدىرگەن قالا تۇرعىندارىنا العىسىن ءبىلدىردى.
«قادىرلى دوستار, ارداقتى اعايىن! استانا قالاسى ءماسليحاتىنىڭ VIII سايلانىم توراعاسى رەتىندەگى قىزمەتىمىز باسقا قىزمەتكە اۋىسىما بايلانىستى اياقتالدى. وسى جىلدار ىشىندە ەلدىڭ اماناتىن ارقالاپ, حالىقپەن بىرلەسە ەڭبەك ەتتىك. ۇلى ابايدىڭ «حالىق ءۇشىن قىزمەت قىلساڭ, حالقىڭ سۇيمەك» دەگەن ءسوزىن تۋ ەتتىك. استانا قالاسى ءماسليحاتىنىڭ توراعاسى رەتىندە باستى ۇستانىمىمىز — اشىقتىق پەن جاۋاپكەرشىلىك بولدى. حالىققا جاقىن بولۋعا, ماسەلەلەردىڭ شەشىمىن بىرگە تابۋعا ءمان بەردىك. ءماسليحات وتىرىستارىن تىكەلەي ەفيردە وتكىزىپ, ءار دەپۋتاتتىڭ بايلانىس دەرەگىن قولجەتىمدى ەتتىك. اتقارعان ءىسىمىزدىڭ سىنشىسى — حالىق, تورەشىسى — ۋاقىت. وسى ورايدا, مەن وزىمە سەنىم بىلدىرگەن قالا تۇرعىندارىنا, بىرلەسە ەڭبەك ەتكەن استانا قالاسى ءماسليحاتىنىڭ VII جانە VIII سايلانىم دەپۋتاتتارىنا, قالامىزدىڭ اكىمى جەڭىس قاسىمبەك مىرزاعا جانە بارلىق ارىپتەستەرىمە شىنايى العىسىمدى بىلدىرەمىن. وسى جولدا ارقايسىڭىزعا مىقتى دەنساۋلىق, ەڭبەكتەرىڭىزگە تابىس, وتباسىلارىڭىزعا اماندىق تىلەيمىن!», دەپ جازدى ەرلان كاناليموۆ.
