فوتو: Sputnik / ابزال كاليەۆ
الەم نازارىن اۋدارعان وسى جاڭالىقتان كەيىن قازاقستاننىڭ ءماجىلىس دەپۋتاتتارى دا ەلدە لگبت-عا زاڭمەن تىيىم سالۋدى ۇسىندى.
«بۇل جاڭالىق باتىستى وزدەرىنە قورعاۋشى ساناپ جۇرگەن قىزتەكەلەرگە توبەلەرىنەن جاي تۇسكەندەي بولعانى انىق. وسى تۇستا, بارلىق قىزتەكەلەرگە «دياديا دونالدتان» جالىندى سالەم. بۇل رەتتە, اقش پرەزيدەنتىنىڭ شەشىمى ءماجىلىس دەپۋتاتتارىنىڭ لگبت-عا قارسى ۇستانىمىمەن ۇشتاستى. مەن بىلەتىن ۇكىمەتكە كەمىندە بىرنەشە ناقتى دەپۋتاتتىق ساۋال جولداندى. وعان قوسا, لگبت-نى ناسيحاتتاۋعا تىيىم سالۋدى كوزدەيتىن ارنايى زاڭ نورمالارىن دا ازىرلەدىك. الايدا, وسى ارەكەتتەرىمىزگە كەيبىر شەنەۋنىكتەر باتىس ەلدەرى وكىلدەرىنىڭ «دەموكراتيانى شەكتەپ جاتىرسىڭدار», «ادام قۇقىعىن تاپتاپ جاتىرسىڭدار» دەگەن ۇستانىمدارىن جەلەۋ قىلىپ, قارسىلىق ءبىلدىردى», دەگەن دەپۋتاتتار مۇددەسىن جەتكىزگەن ە.جاڭبىرشين سول تۇستا اقپاراتتىق شابۋىل ۇيىمداستىرعانداردى دا جازالاۋدى سۇرادى.
بۇعان دەيىن E-petition.kz مەملەكەتتىك پلاتفورماسىندا دا قازاقستاندا لگبت ناسيحاتىنا قارسى پەتيتسيا جاريالانعان ەدى. 2 اپتادا پەتيتسيا 50 مىڭ قول جيناعان. دەپۋتات بۇل كورسەتكىش ۇلتىمىزدىڭ بولمىسىنا جات دۇنيەگە جۇرتشىلىقتىڭ جان-تانىمەن قارسى ەكەنىن اڭعارتاتىنىن ايتىپ, ۇكىمەتكە ماجىلىسمەندەردىڭ تالابىن جەتكىزدى.
«ۇكىمەت تەز ارادا كەلەسى شارالاردى قولعا الۋى قاجەت. جوعارىدا اتالعان پەتيتسيا تالاپتارىن تولىق قاناعاتتاندىرۋ كەرەك. بارلىق پلاتفورمالاردا, الەۋمەتتىك جەلىلەردە لگبت-نى ناسيحاتتاۋعا قارسى زاڭ نورمالارىن ۇسىنامىز. وعان ۇكىمەت وڭ قورىتىندىسىن بەرۋى ءتيىس», دەدى ەدىل جاڭبىرشين.
