فوتو: Polisia.kz
2024 جىلدىڭ قازان ايىندا قوستاناي قالاسىنىڭ تۇرعىنى Instagram جەلىسىندە ينۆەستيتسيا سالۋدىڭ ءتيىمدى جولدارى تۋرالى جارناماعا قىزىعۋشىلىق تانىتىپ, اۋەلى 100 اقش دوللارىن اۋدارعان. كوپ ۇزاماي, «كەڭەسشىلەر» ودان ءتۇرلى سالىقتار مەن الىمداردى تولەۋدى تالاپ ەتىپ, ايەلدى قوسىمشا قارجى سالۋعا كوندىرگەن.
Polisia.kz اقپاراتىنشا الاياقتار ونىڭ سەنىمىنە كىرىپ, بىرنەشە بانكتەن نەسيە الۋعا ماجبۇرلەگەن. وسىلايشا, ول الاياقتاردىڭ ەسەپشوتىنا 21 ميلليون تەڭگەدەن استام قاراجات اۋدارعان. اتالعان فاكتى بويىنشا اسا ءىرى كولەمدەگى الاياقتىق دەرەگى بويىنشا قىلمىستىق ءىس قوزعالدى. كۇدىكتىلەردىڭ ورنالاسقان جەرىن انىقتاۋ جانە ولاردى ۇستاۋ بويىنشا جۇمىستار جالعاسىپ جاتىر.
