فوتو: astanatv.kz
دەمەك موپەد يەلەرى وسى مەرزىمگە دەيىن ونى تىركەپ, جۇرگىزۋشى كۋالىگىن الۋى كەرەك.
جۇرگىزۋشى موپەدتى ايداۋ ءۇشىن:
- پوليتسيادا تىركەلىپ;
- ا1, ا نەمەسە ۆ ساناتىنداعى جۇرگىزۋشى كۋالىگىن الىپ;
- تەحنيكالىق تەكسەرۋدەن جانە ازاماتتىق جاۋاپكەرشىلىكتى ساقتاندىرۋدان ءوتۋى قاجەت.
ىشكى ىستەر مينيسترلىگىنىڭ مالىمەتىنشە, موپەد يەسى تىركەۋدەن ءوتۋ ءۇشىن تۇرعىلىقتى جەرى بويىنشا ارنايى حقكو-عا مىنا قۇجاتتاردى الىپ بارۋى كەرەك:
- جەكە كۋالىك (ەلەكتروندى تۇردە بولۋى مۇمكىن);
- موپەدتىڭ تەحنيكالىق قۇجاتى نەمەسە سيپاتتامالارى.
كەيىن ءوتىنىشتى تولتىرىپ, موپەدتى تەكسەرىستەن وتكىزىپ, قاجەتتى مەملەكەتتىك باجدار تولەنۋى ءتيىس.
«5 ساۋىردەن باستاپ تىركەلمەگەن موپەدتەردى پايدالانۋعا, جۇرگىزۋشى كۋالىگىنسىز جۇرۋگە تىيىم سالىنادى. وسى سيپاتتاعى بۇزۋشىلىقتاردى بولدىرماۋ ءۇشىن موپەدتى الدىن الا تىركەپ, جۇرگىزۋشى كۋالىگىن الۋدى ۇسىنامىز», دەدى ءىىم اكىمشىلىك پوليتسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى اراي تولەگەنقىزى.
