سۋرەت: aimak.com.kz
ماسەلەن, كاسىپكەر ۆياچەسلاۆ ورلوۆتىڭ ايتۋىنشا, يەلىگىندەگى جەر تەلىمىنىڭ ۇستىنەن بوگەت سالىنعان. قازىر ونىڭ يەلىگىندەگى جەر ەكىگە ءبولىنىپ تۇر. ول 2022 جىلدىڭ قازان ايىندا ماحامبەت اۋدانىنداعى بەيبارىس اۋىلىنان 2,7 گەكتار جەر تەلىمىن جەكە يەلىگىنە العان ەكەن. ماقساتى – قۇس فابريكاسىن اشۋ. جاڭا نىساننىڭ قۇرىلىسىن جۇرگىزۋ ماقساتىندا بىلتىر جىل باسىندا جەر تەلىمىن قورشاۋدى باستاعان. جەر تەلىمىنە ترانسفورماتورلىق قوسالقى ستانسا ورناتقان.
ماحامبەت اۋدانىندا سۋ تاسقىنىنان قورعانۋ ءۇشىن ۇزىندىعى 105 كيلومەتر بوگەت سوعىلعان. ال كاسىپكەردىڭ يەلىگىندەگى جەر تەلىمى ارقىلى سالىنعان بوگەتتىڭ ۇزىندىعى – 225, تابانى – 12, بيىكتىگى – 2,5 مەتر.
«ماعان جەر تەلىمىنە بوگەت سالۋ تۋرالى ەشكىم حابارلاعان جوق. مەن بوگەت سالۋعا رۇقساتىمدى بەرگەن جوقپىن. بوگەتكە قولدانىلعان توپىراق ۇيىندىسىنەن جەر تەلىمىن قورشاۋعا قاعىلعان 38 بەتون باعاناسى ءب ۇلىندى. قازىر يەلىگىمدەگى جەر تەلىمى ەكىگە بولىنگەندىكتەن, بيزنەس جوسپارىمدى باستاي الماي وتىرمىن», دەيدى ۆ.ورلوۆ.
كاسىپكەردىڭ ايتۋىنا قاراعاندا, وسى ماسەلەنى وڭ شەشۋ ءۇشىن بىرنەشە اكىمدىككە جۇگىنگەنىمەن, ماسەلە ءالى تولىق شەشىمىن تاپپاي وتىر. ناقتىلاي ايتقاندا, بەيبارىس اۋىلدىق وكرۋگىنىڭ, ماحامبەت اۋداندىق, اتىراۋ قالالىق اكىمدىگىنە حات جازعان.
«اكىمدىكتەردەن تۇششىمدى جاۋاپ المادىم. ولار تەك حاتىمدى ءبىر-بىرىنە جولداپ وتىر. امالىم تاۋسىلعان سوڭ اتىراۋ وبلىسىنىڭ كاسىپكەرلەر پالاتاسىنا جۇگىندىم», دەپ مالىمدەدى ۆ.ورلوۆ.
ماحامبەت اۋداندىق جەر قاتىناستارى ءبولىمىنىڭ باسشىسى اقىلبەك ساليەۆتىڭ مالىمەتىنە سۇيەنسەك, سۋ تاسقىنى سالدارىنان زارداپ شەككەن كاسىپكەرلەردىڭ ءتىزىمى جاساقتالعان. شاعىم بىلدىرگەن كاسىپكەردىڭ جەر تەلىمى ارقىلى سالىنعان بوگەت اتىراۋ قالالىق اكىمدىگى تاپسىرىسىمەن جۇرگىزىلگەن.
ء«بىزدىڭ اۋداننان سۋ تاسقىنى كەزىندە شامامەن 105 كاسىپكەرلىك سۋبەكتىسى زارداپ شەكتى. قازىر ولارعا وتەماقى تولەۋ جۇمىسى جۇرگىزىلىپ جاتىر. زارداپ شەككەن كاسىپكەرلەردىڭ تىزىمىندە ۆياچەسلاۆ ورلوۆ جوق. ويتكەنى ءبىزدىڭ بالانسقا ونىڭ جەر تەلىمى ارقىلى وتەتىن بوگەت الىنباعان», دەيدى ا.ساليەۆ.
كاسىپكەرلەر قۇقىقتارىن قورعاۋ جونىندەگى ۋاكىلدىڭ اتىراۋ وبلىسى بويىنشا سەكتور مەڭگەرۋشىسى, وبلىستىق كاسىپكەرلەر پالاتاسى ديرەكتورىنىڭ ورىنباسارى سارسەنباي جولدىباەۆتىڭ پىكىرىنشە, ىستە كاسىپكەردىڭ قۇقىعىن بۇزۋ دەرەگى بار. تۇيتكىلدى وڭ شەشۋدىڭ جولى قانداي؟
«قولدانىستاعى زاڭناماعا سايكەس تۇيتكىلدى ماسەلەنى شەشۋدىڭ ەكى تەتىگى بار. ءبىرىنشىسى – كاسىپكەرگە وتەماقى تولەۋ, ەكىنشىسى – اۋماعى مەن قۇنى جاعىنان ۇقساس باسقا جەر تەلىمىن بەرۋ. وسىعان بايلانىستى ءتيىستى ورگاندارعا ۇسىنىستار جىبەرىلدى. ەگەر ولاردىڭ جاۋابى مەن ماسەلەنى شەشۋ تۇرعىسىنداعى ۇسىنىسى كاسىپكەردى قاناعاتتاندىرماسا, ونىڭ مۇددەسىن سوتتا قورعاۋعا دايىنبىز», دەدى س.جولدىباەۆ.
اتىراۋ وبلىسى
