فوتو: gov.kz
جول كارتاسىندا وڭىردەگى قىلمىس سانىن بيىل 10 پايىزعا, 2026 جىلى 15 پايىزعا تومەندەتۋ كوزدەلگەن.
سونداي-اق, اۋىر جانە اسا اۋىر قىلمىستار, قوعامدىق ورىندارداعى قۇقىق بۇزۋشىلىقتار, كامەلەتكە تولماعاندار اراسىنداعى قۇقىق بۇزۋشىلىقتار سانىن قىسقارتۋ, سونداي-اق جول اپاتى سالدارىنان قازا تاپقاندار مەن زارداپ شەككەندەر سانىن 2025 جىلى 25 پايىزعا, 2026 جىلى 30% ازايتۋ جوسپارلانعان.
كەڭەسكە قاتىسۋشىلار وسى ماقساتتا اتقارىلاتىن ىستەردى پىسىقتادى.
ونىڭ ىشىندە كريمينوگەندىك ايماقتاردى انىقتاپ, تالداۋ جۇرگىزۋ, رەيد شارالارىن كوبەيتۋ, ەسكەرتپە قاعازداردى دايارلاۋ, «زاڭ كەرۋەنى» اكتسياسىن تۇراقتى وتكىزۋ سىندى جۇمىستار بار.
«سونداي-اق, بۇرىن سوتتالعاندار ءۇشىن جەكە وڭالتۋ جوسپارلارىن ىسكە اسىرۋ, قايتالاما قىلمىستاردىڭ الدىن الۋ, الەۋمەتتىك كاسىپكەرلىكتى پايدالانۋ جانە مەملەكەتتىك ساتىپ الۋ شەڭبەرىندە مەردىگەرلەرمەن مەموراندۋمدار جاساسۋ ارقىلى جۇمىسقا ورنالاستىرۋ, سونداي-اق قيىن ومىرلىك جاعدايداعى وتباسىلارمەن جۇمىس قامتىلادى. زاماناۋي تەحنولوگيالاردى ەنگىزۋ ارقىلى جەدەل جەلىلەر, تەلەگرام-بوتتار, حالىقپەن جەدەل ءوزارا ءىس-قيمىل جاساۋعا ارنالعان ءموبيلدى قوسىمشالار قولدانۋ. قاۋىپسىزدىك ينفراقۇرىلىمىن دامىتۋ جوسپارلانىپ وتىر», دەلىنگەن وبلىس پروكۋراتۋراسىنىڭ حابارلاماسىندا.
قوسىمشا بەينەباقىلاۋ كامەرالارىن ورناتۋ دا جول كارتاسىنا ەنگىزىلگەن. مەملەكەتتىك-جەكەمەنشىك ارىپتەستىك شەڭبەرىندە اكىمدىك «Sergek» قوعامدىق جانە جول قاۋىپسىزدىگىنىڭ زياتكەرلىك جۇيەسىن ەنگىزۋ جوباسىن ىسكە اسىرىپ جاتىر. جوبا اياسىندا الماتى وبلىسى بويىنشا 9 مىڭ قوعامدىق قاۋىپسىزدىك كامەراسى مەن 325 اپپاراتتىق-باعدارلامالىق كەشەن ورناتۋ جوسپارلانعان.
ايماقتاعى قۇقىق بۇزۋشىلىقتىڭ الدىن الۋ, كامەلەتكە تولماعانداردىڭ ىستەرى, ايەلدەر ىستەرى جانە وتباسىلىق-دەموگرافيالىق ساياسات جونىندەگى ۆەدومستۆوارالىق كوميسسيالاردىڭ جۇمىسىن تۇبەگەيلى قايتا رەتتەلەدى.
