بۇل كوللەدجدەردى جوندەۋگە, ماتەريالدىق-تەحنيكالىق بازالارىن جابدىقتاۋعا, مەكتەپتەردە كاسىبي باعدار بەرۋ كابينەتتەرىن اشۋعا جۇمسالادى. اتقارىلاتىن جۇمىستار قاتارىندا «كاسىبي باعدار بەرۋ پەداگوگى» شتات بىرلىگىن ەنگىزىپ, جۇمىسشى ماماندىقتارىن دارىپتەيتىن ءتۇرلى ءىس-شارالاردى جۇزەگە اسىرۋ دا بار. كوللەدجدەرگە كاسىپورىنداردان ءوندىرىس شەبەرلەرىن تارتىپ, شەتەلدىكتەردى جەرگىلىكتى كادرلارمەن الماستىرۋ دا ويلاستىرىلعان.
الدا ءىرى كاسىپورىندار مەن ورتا بيزنەس وكىلدەرىنىڭ قاتىسۋىمەن توقسان سايىن بوس جۇمىس ورىندارى جارمەڭكەلەرى ۇيىمداستىرىلادى. وسى كۇنى جۇمىسشى جانە ورتا بۋىن ماماندىقتارى بويىنشا ءبىلىم الۋعا نيەتتى 9-سىنىپتى بىتىرۋشىلەردى 100 پايىز تەگىن كاسىپتىك بىلىممەن قامتۋعا 5308 ورىن مەملەكەتتىك تاپسىرىس بولۋگە قۇجات ازىرلەنۋ ۇستىندە. كوللەدجدەردى ۇزدىك بىتىرگەن 100 ستۋدەنتكە تۇراقتى جۇمىسقا ورنالاسۋعا جولداما بەرۋگە ايماقتاعى ءىرى كاسىپورىندارىمەن ارنايى كەلىسىم جاسالادى.
قوعامدا ەڭبەك ادامىنا قۇرمەت قالىپتاستىرىپ, جۇمىسشى ماماندىقتارىن ناسيحاتتاۋ, بەدەلىن كوتەرۋ, جاستاردىڭ قىزىعۋشىلىعىن ارتتىرۋ باعىتىنداعى جۇمىستار سىردا وسىلاي جۇزەگە اسادى.
وسى كۇنى وڭىردەگى كوللەدجدەردە 97 ماماندىق, 158 بىلىكتىلىك بويىنشا ەڭبەك نارىعىنا قاجەتتى كادرلار دايارلانىپ كەلەدى. اتاۋلى جىلعا جوسپارلانعان جۇمىستار اياسىندا جوبالىق كەڭسە جاساقتاپ, ايماقتىق شتاب قۇرۋ, «ادال ەڭبەك – ادال تابىس» تاقىرىبىندا «جۇمىسشى ماماندىقتار جىلىنىڭ» سالتاناتتى اشىلۋىن ۇيىمداستىرۋ بار.
تەحنيكالىق جانە كاسىپتىك ءبىلىم بەرۋ سالاسىن ترانسفورماتسيالاۋ وقۋ ورنىنىڭ ساپاسىنا وڭ اسەر ەتەتىنى انىق. دۋالدى وقىتۋ, مودۋلدىك ءبىلىم بەرۋ, حالىقارالىق ستاندارتتارعا ساي, ەڭبەك نارىعىنا قاجەتتى, سۇرانىسقا يە جۇمىسشى ماماندار دايارلاۋدىڭ بۇل باستاماسى وڭىردەگى كاسىپتىك ءبىلىم بەرۋ دەڭگەيىن ارتتىرا تۇسەدى.
قىزىلوردا
