فوتو: olympic.kz
4 جاسىنان بەرى گيمناستيكا زالىنان تابىلعان ەلجانا تانيەۆا سپورتتىڭ بۇل ءتۇرى ءومىرىنىڭ ءبىر بولىگىنە اينالعانىن ايتتى.
«كىلەمگە شىعار الدىنداعى تولقۋ, پروجەكتور جارىعى استىنداعى ءار قوزعالىسىم, كورەرمەندەردىڭ شاپالاعى – مۇنىڭ ءبارى ماڭگى ەستە قالادى. بۇل جول وڭاي بولعان جوق. كەيدە كۇشىم تاۋسىلعانداي, قيىندىقتار ەڭسەرىلمەيتىندەي كورىنەتىن ساتتەر بولدى. بىراق ءدال سول ساتتەردە ماعان سەنگەن ادامدار جانىمنان تابىلا ءبىلدى», دەپ جازدى سپورتشى.
ول كاسىبي مانسابىندا ىلعي جانىندا بولىپ قولداعان باپكەرى ءاليا يۋسۋپوۆا مەن اتا-اناسىنا ريزاشىلىعىن ءبىلدىردى. دەسە دە سپورتشى قىز جەلىدەگى جازباسى ارقىلى العا قويعان ماقساتتارى بار ەكەنىن اڭعارتتى.
«بۇل تاراۋدى اياقتاي وتىرىپ, سپورتپەن ءبىرجولا قوشتاسپايتىنىمدى ايتقىم كەلەدى. ماعان وسى جولدى سىيلاعان مۇمكىندىكتەر ءۇشىن العىس ايتامىن. الدا دا قىزىقتى ساپار كۇتىپ تۇرعانىنا سەنىمدىمىن», دەپ جازدى ەلجانا تانيەۆا.
