فوتو: caravan.kz
ماڭعىستاۋ وبلىسى بويىنشا مەملەكەتتىك كىرىستەر دەپارتامەنتى رەسەي فەدەراتسياسىنىڭ قولدانىستاعى زاڭناماسىنا سايكەس ادىراسپان وسىمدىگى قۇرامىندا ەسىرتكى, پسيحوتروپتىق زاتتار نەمەسە ولاردىڭ پرەكۋرسورلارى بار وسىمدىكتەردىڭ تىزىمىنە ەنگىزىلگەنىنە بايلانىستى, اتالعان وسىمدىكتى شەكارادان وتكىزبەۋ كەرەكتىگىن ەسكەرتتى.
«ادىراسپاندى رەسەي شەكاراسى ارقىلى زاڭسىز وتكىزگەنى ءۇشىن 1 ميلليون رۋبلگە دەيىن (5 ميلليون تەڭگە) ايىپپۇل سالۋ جانە 3 جىلدان 7 جىلعا دەيىنگى مەرزىمگە باس بوستاندىعىنان ايىرۋ تۇرىندەگى قىلمىستىق جاۋاپكەرشىلىك كوزدەلگەن. وسىمدىكتەردى اسا ءىرى كولەمدە اكەلگەنى ءۇشىن 15 جىلدان 20 جىلعا دەيىن باس بوستاندىعىنان ايىرۋ جازاسى تاعايىندالادى», دەلىنگەن ۆەدومستۆو حابارلاماسىندا.
