تاناشەۆانىڭ ورىندىعىن بوساتقانى جونىندە اۋەلى ورتالىق سايلاۋ كوميسسياسى اقپارات تاراتتى.
«قازاقستان حالىق پارتياسى بيۋروسىنىڭ 2024 جىلعى 23 جەلتوقسانداعى № 27 قاۋلىسىنىڭ نەگىزىندە گاۋحار شايمەردەنقىزى تاناشەۆا قازاقستان رەسپۋبليكاسى پارلامەنتى ءماجىلىسىنىڭ دەپۋتاتى وكىلەتتىگىن جوعالتتى دەپ تانىلسىن», دەلىنگەن كوميسسيا قاۋلىسىندا.
Ulysmedia.kz ءتىلشىسى گاۋحار تاناشەۆانىڭ پارلامەنتتەن كەتۋىنە نە تۇرتكى بولعانىن ءبىلۋ ءۇشىن وعان قوڭىراۋ شالدى, الايدا ونىڭ ۇيالى تەلەفونى ءوشىرۋلى بولعان.
گاۋحار تاناشەۆا 2024 جىلى 25 جەلتوقساندا, ياعني بىلتىر ءوزى قاتىسقان پارلامەنت ءماجىلىسىنىڭ سوڭعى وتىرىسىندا: «حالقىن ايامايتىن ۇكىمەتتەن تۇراتىن مەملەكەتپىز, بۇل تاكتيكانى وزگەرتپەي دامىعان مەملەكەتتەردىڭ قاتارىنا كىرمەيمىز.ادامدار ءومىر ءسۇرۋ ءۇشىن كۇرەس پەن تۇراقسىزدىق رەجيمىندە بالالاردى قالاي تاماقتاندىرامىن, قارىزدى قالاي جابامىن دەگەن قورقىنىشپەن ءجۇر. ويتكەنى حالىقتىڭ 80 پايىزى نەسيە الىپ ءومىر ءسۇرىپ جاتىر. مۇنداي جاعدايدا بالالاردى قانداي پاتريوت قىلىپ وسىرەمىز؟», دەپ مالىمدەگەن ەدى.
ءماجىلىس دەپۋتاتىنىڭ بوس مانداتى «قحپ» قوعامدىق بىرلەستىگىنىڭ مۇشەسى اسىلبەك جاماش ۇلى نۇرالينگە بەرىلدى.
