فوتو: اشىق دەرەككوز
ستۋدەنت Telegram الەۋمەتتىك جەلىسى ارقىلى تىيىم سالىنعان زاتتار قويماسىنا جۇمىسقا ورنالاسادى. وسىدان كەيىن ونىڭ اتىنا تايلاندتان پوشتا ارقىلى 998 گرامم كەپتىرىلگەن ماريحۋانا جىبەرىلگەن.
وتكەن جىلدىڭ 6 تامىزىندا «قازپوشتا» بولىمشەسىنەن وسى سالەمدەمەنى العان سوڭ ول ەسىرتكىنى دوزاعا سالىپ, كەيىن ساتۋ ماقساتىندا زاڭسىز ساقتاۋ ءۇشىن پاتەر جالداعان. الايدا ونىڭ بۇل جوسپارىن ءتارتىپ ساقشىلارى بۇزادى.
سوتتا جاس جىگىت ءوز كىناسىن تولىق مويىنداپ, شىن جۇرەكتەن وكىنەتىنىن ايتتى. سوت ونىڭ كامەلەتكە تولماعانىن جانە كىناسىن مويىنداعانىن جاۋاپكەرشىلىگى مەن جازاسىن جەڭىلدەتەتىن ءمان-جاي دەپ تانىدى.
ناتيجەسىندە سوت ستۋدەنتتى قىلمىستىق كودەكستىڭ ەكى بابى بويىنشا كىنالى دەپ تانىدى: ەلەكتروندى اقپاراتتىق رەسۋرستى پايدالانا وتىرىپ, الدىن الا ءسوز بايلاسۋ ارقىلى اسا ءىرى مولشەردە ەسىرتكى زاتىن زاڭسىز الۋ, وتكىزۋ ماقساتىندا ساقتاۋ, سونداي-اق زاڭسىز ارەكەتكە كومەكتەسۋ. الدىن الا كەلىسىم بويىنشا قازاقستان رەسپۋبليكاسىنىڭ مەملەكەتتىك شەكاراسى ارقىلى ەسىرتكى زاتىن ءىرى كولەمدە وتكىزۋ.
ول 8 جىلعا باس بوستاندىعىنان ايىرىلدى. ۇكىم زاڭدى كۇشىنە ەنگەن جوق.
