سۋرەت:baq.kz
«اmاnاt» پارتياسى فراكتسياسىنىڭ دەپۋتاتتارى نۇرجان اشىمبەتوۆ, جارقىنبەك امانتاي جانە ۆەرا كيم «ERG Service» جشس قۇرامىنا كىرەتىن پاۆلودار ماشينا جاساۋ زاۋىتىندا بولدى. ساپار بارىسىندا 1955 جىلى ىسكە قوسىلعان زاۋىتتىڭ قازىرگى زامانعى قاۋىپسىزدىك ستاندارتتارىنا سايكەس كەلەتىنى جانە جۇمىسشىلارعا قولايلى ەڭبەك جاعدايى جاسالعانى ايتىلدى.
«2025 جىلدى پرەزيدەنت جۇمىسشى ماماندىقتارى جىلى دەپ جاريالادى. جاستارعا كاسىپورىن باسشىلىعى عانا ەمەس, مەملەكەت تاراپىنان دا قولداۋ كورسەتىلەتىنىنە وسىندا كوز جەتكىزدىك. جاس ماماندار تاجىريبەدەن ءوتىپ, قىزمەتتە ءوسۋ مۇمكىندىگىنە يە بولادى. بۇل – جۇمىسشى ماماندار ءۇشىن الەۋمەتتىك قولداۋ», دەدى ۆ.كيم.
ال ءماجىلىس دەپۋتاتتارى ايگۇل قۇسپان, ايدوس سارىم, سەرگەي پونومارەۆ, رينات زايىتوۆ الماتى قالاسىنا ساپارى اياسىندا الاتاۋ اۋدانىنداعى الەۋمەتتىك نىسانداردىڭ جۇمىسىن باقىلادى. سونداي-اق «جايلى مەكتەپ» ۇلتتىق جوباسى اياسىندا سالىنعان جاڭا ۇلگىدەگى مەكتەپتە بولدى.
«مەملەكەت باسشىسى «اnا tili» گازەتىنە بەرگەن سۇحباتىندا اتاپ وتكەندەي, ەلىمىز بويىنشا 460 مىڭ وقۋشىعا ارنالعان 217 جايلى مەكتەپ سالۋ جوسپارلانىپ وتىر. ونىڭ 105-ءى سالىندى», دەدى ايدوس سارىم.
ماجىلىسمەن نۇرتاي سابيليانوۆ سەمەي قالاسىنداعى «ورتالىق» جىلۋ ەنەرگەتيكا ورتالىعىنىڭ جۇمىسىمەن تانىسىپ, ۇجىمىمەن كەزدەسۋ وتكىزدى. وبلىس قايتا قۇرىلعانعا دەيىن قالاداعى 21 جىلۋ قازاندىعىنىڭ 80 پايىزىنىڭ توزىعى جەتكەن ەدى. بۇگىندە جاعداي تۇزەلىپ كەلەدى. دەپۋتاتتىڭ ايتۋىنشا, بىلتىر رەسپۋبليكالىق بيۋدجەتتەن قاراجاتتىڭ بولىنۋىنە وراي ولاردىڭ ەسكىرۋى 60 پايىزعا تومەندەگەن.
پارلامەنت ءماجىلىسىنىڭ ۆيتسە-سپيكەرى البەرت راۋ, دەپۋتاتتار ەكاتەرينا سمىشلياەۆا, بەرىك بەيسەنعاليەۆ, ەركىن ءابىل «ميلح» وندىرىستىك كاسىپورنى بازاسىندا قوستاناي وبلىسىنىڭ بيزنەس وكىلدەرىمەن كەزدەستى. وتىرىستا قازىرگى تاڭدا ماجىلىستە قارالىپ جاتقان تاۋاردىڭ شىققان ەلىن انىقتاۋ ماسەلەلەرى بويىنشا زاڭنامالىق تۇزەتۋلەر تالقىلاندى. كوتەرىلگەن نەگىزگى ماسەلەنىڭ ءبىرى سەرتيفيكاتتاۋ راسىمدەرىن جەڭىلدەتۋ بولدى. بيزنەس وكىلدەرى جاڭا تالاپتار اياسىندا ءونىمنىڭ شىعۋ تەگىن راستاۋ ۇدەرىسىنىڭ كۇردەلەنە ءتۇسۋى مۇمكىن دەگەن الاڭداۋشىلىعىن ءبىلدىردى.
ء«بىزدىڭ مىندەتىمىز – اتتەستاتسيالاۋ ۇدەرىسىندە قاراپايىمدىلىق پەن تيىمدىلىكتى قامتاماسىز ەتەتىن, ارتىق اكىمشىلىك اۋىرتپالىقتاردى بولدىرمايتىن جۇيە قۇرۋ. زاڭ جوباسى كاسىپكەرلەردى قولداۋعا جانە مەملەكەتتىك ورگاندارمەن ءوزارا ءىس-ارەكەتتى جەڭىلدەتۋگە باعىتتالعان», دەدى ا.راۋ.
اقتوبە وبلىسىنا ساپارى بارىسىندا ءماجىلىستىڭ ۆيتسە-سپيكەرى دانيا ەسپاەۆا مەن دەپۋتات جۇلدىز سۇلەيمەنوۆا كوپسالالى وبلىستىق بالالار اۋرۋحاناسى ۇجىمىمەن كەزدەستى. كەزدەسۋدە دارىگەرلەر مەديتسينالىق قۇرال-جابدىقتاردىڭ جانە وپەراتسيا جاساۋعا بولىنەتىن قاراجاتتىڭ جەتكىلىكسىزدىگىن ايتىپ, اۋدانارالىق حيرۋرگيالىق بولىمشەلەر اشۋ تۋرالى ۇسىنىستارىن جەتكىزدى.
ءماجىلىس دەپۋتاتتارى ءادىل جۇبانوۆ پەن دۇيسەنباي تۇرعانوۆ اتىراۋ وبلىسى جىلىوي اۋدانىنا ساپارى بارىسىندا جەم وزەنى مەن قۇرساي وزەكتەرىنىڭ ءتۇبىن تەرەڭدەتۋ جوباسىنىڭ ورىندالۋ بارىسىن كورىپ قايتتى. ساپار اياسىندا دەپۋتاتتار تۇرعىندارمەن كەزدەسىپ, ولاردىڭ تۇرمىس-تىرشىلىگىن, وڭىردەگى ەكولوگيالىق جاعدايدى جانە اتقارىلىپ جاتقان جۇمىستاردى تالقىلادى.
حالىقپەن كەزدەسۋ اياسىندا دەپۋتات داۋلەت تۇرلىحانوۆ استانا قالاسىنداعى «قازاقستان» سپورت كەشەنىنىڭ جاعدايىمەن تانىستى. ال ماجىلىستەگى «ينكليۋزيۆتى پارلامەنت» دەپۋتاتتىق توبىنىڭ جەتەكشىسى ەرلان ابديەۆ ورداباسى اۋدانى تەمىرلان اۋىلىنداعى «شاپاعات» الەۋمەتتىك قىزمەتتەر كورسەتۋ ورتالىعىنا باردى. ورتالىقتاعى ازاماتتار كوكەيكەستى ماسەلەلەرىن ورتاعا سالىپ, ولاردى شەشۋ بويىنشا ۇسىنىستارىن جەتكىزدى.
