فوتو: Elements.envato.com
«KopSoz» Telegram ارناسى حابارلاعانداي, قىلمىس كۇنى كەشە, 12 قاڭتاردا ساعات 02:50 شاماسىندا جاباەۆ كوشەسىندەگى جەكە ۇيلەردىڭ بىرىندە بولعان. بۇرىن سوتتالعان ءارى پسيحيكالىق اۋىتقۋلارعا دۋشار بولعان ەر ادام جانجال شىعارىپ, اناسىن پىشاقتاپ ولتىرگەن. قىلمىس جاساعان سوڭ ءمايىتتى اۋلاعا شىعارىپ, ورتەپ جىبەرگەن.
قالالىق پوليتسيا دەپارتامەنتىنىڭ مالىمەتىنشە, 1994 جىلعى ەر ادام قاماۋعا الىندى.
«وقيعا ورنىنان ايەلدىڭ دەنەسى تابىلدى. اتالعان فاكتى بويىنشا قىلمىستىق ءىس قوزعالدى. كۇدىكتى ۇستالىپ, ۋاقىتشا ۇستاۋ يزولياتورىنا قامالدى. قازىر تەرگەۋ امالدارى جۇرگىزىلىپ جاتىر. الدىن الا بولجام بويىنشا قىلمىسقا وتباسىلىق جانجال سەبەپ بولعان», دەلىنگەن پوليتسيا تۇسىنىكتەمەسىندە.
قر قىلمىستىق كودەكسىنىڭ 99-بابىنىڭ 1-بولىگى «ادام ءولتىرۋ» بويىنشا قىلمىستىق ءىس قوزعالدى.
