بەلگىلى قىتايتانۋشى عالىم يۆان زۋەنكو 1983 جىلى قىتايدا تاعىلىمدامادان وتكەن تانىمال ادامدار تۋرالى ەستەلىگىن جازعان.
«كەڭەستىك قىتايتانۋشىلاردىڭ 1983 جىلى قىتايعا العاش رەت تاجىريبە الماسۋعا بارعان ساپارى ەستەن كەتپەيدى. مەن 1983-1984 جىلدارداعى سول العاشقى توپتىڭ (10 ادام جانە بارلىعى ماسكەۋدەن, بارلىعى تەك بەيجىڭدە وقىدى) ەكى وكىلىنىڭ سۋرەتىن تاۋىپ الدىم», دەيدى اۆتور
ونىڭ جازۋىنشا, قىتايتانۋشىلاردىڭ كەيىنگى تولقىنىندا ادام ايتارلىقتاي كوبىرەك بولعان جانە ولار جوعارى ءبىلىمدى اكادەميالىق ورتادا وتە تانىمال ەدى. سوعان قاراپ, 1983-1984 جىلدارداعى توپتان «تاريحي ءىز» قالماعان بولۋى ىقتيمال. الايدا, 1983-1984 جىلدارداعى تولقىننىڭ ەكەۋى قازىر وتە تانىمال ادامدار.
بىرىنشىدەن, قاسىمجومارت توقاەۆ (ول كەزدە ونىڭ ەسىمى وسىلاي جازىلۋشى ەدى) – فوتودا وڭ جاقتا تۇر. ماسكەۋ مەملەكەتتىك حالىقارالىق قاتىناستار ينستيتۋتىنىڭ تۇلەگى, سول كەزدە 30 جاستاعى كسرو سىرتقى ىستەر مينيسترلىگىنىڭ قىزمەتشىسى ەدى. قازىر قازاقستان پرەزيدەنتى.
ەكىنشىدەن, يگور مورگۋلوۆ ماسكەۋ مەملەكەتتىك ۋنيۆەرسيتەتى ازيا جانە افريكا ەلدەرى ينستيتۋتىنىڭ 22 جاستاعى تۇلەگى, قازىر رەسەيدىڭ قىتايداعى ەلشىسى.
توقاەۆ وڭ جاقتا تۇر, ەكەۋىنىڭ سول كەزدەگى بىرگە تۇسكەن سۋرەتتەرى تابىلمادى. الايدا توقاەۆتىڭ جانىندا تۇرعان ادام دا تانىمال قىتايتانۋشى - اندرەي تسارەنكو. سول كەزدە ول ماسكەۋ مەملەكەتتىك حالىقارالىق قاتىناستار ينستيتۋتىنىڭ ستۋدەنتى ەدى, كەيىنىرەك كسرو ەلشىلىگىنىڭ قىزمەتشىسى.
«سۋرەت تسزيانسۋ پروۆينتسياسىنىڭ ۋسي قالاسىنا ساپار بارىسىندا ءتۇسىرىلدى, ق.ك. توقاەۆتىڭ «بەلاسۋ» كىتابىنان الىندى», دەپ جازادى اۆتور.
